Popular Bible Verses from Filipfuɛ Mun 3

Share

Aniaan mun, m bu-man min wun kɛ m'an wie i ngba nyan, sanngɛ sa kun nga n jin su kɛ n ´yo'n yɛlɛ kɛ man ń wla fi like ng'ɔ o min sin'n nan n ´tinndin man n sa to like ng'ɔ o min nyrun lɔ'n. Ɔ man m mian mín nyin nan n ´ju juwlɛ nga be sieli'n nun nan n ´nyan like nga Nyanmiɛn flɛ e kɛ e ´nyɛn i nyanmiɛn su lɔ'n sran wunmuan bɔ e nin Krist-Jésus y'a yo'n ti.

Min akunndan kpa'n yɛlɛ kɛ man n si Krist nin i kwlalɛ b'ɔ man ɔ cɛnnin'n, nan nyrɛnnɛn ng'ɔ wunnin i'n n `wun wie lele sɛ n wu'n man n yo kɛ i sa, nan n `lafi su kɛ n kusu n ´cɛn wie.

Nanwlɛ, kɛ m bu min Min Krist-Jésus i silɛ bɔ n si i'n like kpa sakpa'n ti, ɔ man m bu-man like'n wie fi like. I ti m'an yaci like'n kwlaa kɛ ɔ ´yo nan Krist a yo n like kpa nan min nin i y'a kaci sran wunmuan'n ti, yɛ m bu like'n kwlaa kɛ wla sa. Sran kpa bɔ n ti'n, ɔ fin-man m bɔbɔ min nzuɛn'n nun mmla'n i sufalɛ'n ti, sanngɛ ɔ fin Krist su bɔ n lafi'n. Sran kpa yolɛ sɔ'n fin Nyanmiɛn i su bɔ be lafi'n ti.

sanngɛ like nga laa m bu i kɛ ɔ ti n like kpa'n, siɛn'n Krist ti'n, m bu-mɛn i like fi kun.