Popular Bible Verses from Mark 13

Share

Min ti sran'm be kwlaa be wa kpɔ amun, sanngɛ sran ng'ɔ trɛ i anwlɛn lele ju i awieliɛ'n, ɔ ´fite nun.»

An `fa sie amun klun kpa, an `tran minndɛ, afin an si-man cɛn nga sa sɔ'm be ´yo'n.

Kɛ be ´fa amun ko man sran mun'n, nán an dun mmua bu ndɛ nga amun ´kan'n i akunndan, sanngɛ an `kan ndɛ nga Nyanmiɛn fa man amun dɔ sɔ'n su'n, afin nán amun yɛ amun ´ijɔ-ɔ, Nyanmiɛn Wawɛ'n yɛ ɔ ´ijɔ-ɔ.

Nyanmiɛn b'ɔ la nglo lɔ plaii'n nin asiɛ'n be ´sin, sanngɛ min ndɛ'n i blɛ'n su sin-man le.»

«Sanngɛ cɛn sɔ'n nin dɔ sɔ'n sran fi si-mɛn, anz'm bɔ be o nyanmiɛn su lɔ'n nin m bɔ n ti i Wa'n bɔbɔ e si-mɛn, san n Si kunngba cɛ yɛ ɔ si i-ɔ.

Kɛ an ti alɛ i wun ndɛ'n, nin i nganniɛn'n, nán man amun klun titi amun, afin san sa sɔ'm be ´yo. Sanngɛ ɔ su yo-mɛn i awieliɛ.

I sɔ'n ti'n, an `tran minndɛ i, afin an si-man cɛn nga awlo kpɛn'n ´ba-a, sɛ nnɔsua o, sɛ kɔnguɛ o, sɛ akɔ nyinman klikli su o, sɛ nglɛmun o. An `tran minndɛ i, nán man ɔ wa to amun nvlunuɛn nun kɛ an su lafi. Ndɛ nga n ´kan kle amun yɛ'n, n kan kle sran'm be kwlaa kɛ be tran minndɛ.»

Nvle kun wa jao nvle kun wun, yɛ famiɛn kun wa jao i wiengu famiɛn kun wun. Lika wie'm be nun asiɛ'n ɔ wa keje, yɛ awe wa kpɛn. I kwlaa sɔ'n ti nyrɛnnɛn'n i bue nuan kaan sa.

San be ´dun mmua bo jasin fɛ'n kle nvle-nvle'm be kwlaa i sin nan sa sɔ'm b'a yo.

Afin sran kpanngban be wa fa n dunman'n be ´se kɛ min yɛlɛ be. Be wa laka sran sunman.

An `sasa amun wun, afin be wa fa amun ´man jɔlɛ difuɛ mun, yɛ be ´bo amun Nyanmiɛn ndɛ suanlɛ nin i srɛlɛ sua'm be nun. Kɛ ɔ ´yo nan amu'an kan min ndɛ a kle kpɛnngbɛn mun nin famiɛn mun'n, min ti be ´fa amun kɔ bé ja su.

Afin be bɔ be tɔn bé wun suɛn kɛ be ti Krist'n, ɔ nin be bɔ be tɔn bé wun suɛn kɛ be ti Nyanmiɛn nuan ijɔfuɛ'n, be wa jao, be ´yi atrɛ, yɛ be ´yo abonuan sa mun lele kɛ be nga Nyanmiɛn fali be'n sɛ be laka be-ɔ ɔ yo ye'n, be waan wuun be ´laka be.

«Sanngɛ kɛ nyrɛnnɛn sɔ'n ko sin'n, blɛ sɔ'n nun'n, wia'n ´kaci tuun, anglo'n su ta-man kun , nzraama'm be ´fin Nyanmiɛn su lɔ gua, yɛ be wa keje nyanmiɛn su lɔ ninnge ngbli-ngbli'm be nun .