Popular Bible Verses from Mark 11

Share

I sɔ'n ti'n, n ´kan kle amun kɛ like kwlaa nga an srɛ'n, an `lafi su kɛ amu'an nyɛn i, ɔ wa fa man amun.

Nanwlɛ, sran ng'ɔ lafi Nyanmiɛn su'n, ɔ kwla se oka nga kɛ ɔ tu i bo wa ko tɔ jenvie'n nun. Sɛ i anwlɛn'n ti-man nnyɔn-nnyɔn b'ɔ lafi ndɛ ng'ɔ kannin'n su kɛ ɔ ´yo'n, Nyanmiɛn wa yo i sɔ mɛn i.

Kɛ an jao bɔ amun ´koko yalɛ kle Nyanmiɛn'n, sɛ sran wie wun ndɛ wo amun klun'n, an `yaci cɛ i nan amun Si b'ɔ o nyanmiɛn su lɔ'n ɔ'a yaci sa nga an yoli i'n ɔ'a cɛ amun. [

Yɛ Jésus seli be kɛ: «An `lafi Nyanmiɛn su.

Kɛ ɔ ´kle be like'n, ɔ se be kɛ: «?B'a klɛ-mɛn i kɛ: Be wa flɛ ń sua'n kɛ nvle-nvle'm be kwlaa be Nyanmiɛn srɛlɛ sua? Sanngɛ amu'an fa kaci awiefuɛ'm be fiawlɛ .»

Be nga be dun mmua i nyrun'n nin be nga be su i su'n be kpan se kɛ: «Ozanna! Sran ng'ɔ ba e Min Nyanmiɛn i dunman nun'n, man ɔ nyan nguan !

Nyanmiɛn man famiɛn ng'ɔ ba e nannan David osu nun'n i famiɛn'n yo ye! Man Ozanna'n tɛ nyanmiɛn su lɔ!»