Popular Bible Verses from Matie 13

Share

Asiɛ kpa nga kusu bɔ awie'n tɔli su'n, yɛlɛ sran ng'ɔ ti Nyanmiɛn ndɛ'n b'ɔ wun i wlɛ'n. Ɔ ti kɛ awie b'ɔ yo ye'n sa, tre kun wlɔ ya, kun wlɔ ablesiɛn, yɛ kun ekun wlɔ ablasan.»

Yɛ nduin'n bɔ awie'n tɔli nun'n, yɛlɛ sran ng'ɔ ti Nyanmiɛn ndɛ'n, sanngɛ mɛn'n nun ninnge'n i ngokoɛ'n nin anyanbeun'n i klolɛ'n ɔ tra Nyanmiɛn ndɛ'n, ɔ man ndɛ sɔ'n yo-man kpa.

Kɛ bɔ sran kun ti Nyanmiɛn sielɛ'n ndɛ'n, b'ɔ wun-mɛn i wlɛ'n, kpɛkuun Klunwifuɛ'n ɔ wa yo man ndɛ ng'ɔ tili'n ɔ mlin i klun. I sɔfuɛ'n yɛ ɔ ti kɛ atin mma'm sa bɔ awie'n tɔli nun nin-ɔn.

Akpuɛ'n bɔ awie'n tɔli su'n yɛlɛ sran ng'ɔ ti Nyanmiɛn ndɛ'n bɔ i klun jɔ su ɔ fa su kpɛkun nin-ɔn. Sanngɛ ɔ'a nyan-man ndin wlawlɛ, ɔ ti sran bɔ i anwlɛn'n sɔ-man, kɛ afɛ'n nin yalɛ klelɛ'n tɔ i su Nyanmiɛn ndɛ'n ti'n, kpɛkuun ɔ'a yaci Nyanmiɛn sulɛ'n.

«Nyanmiɛn sielɛ'n ɔ fa like kpa kun bɔ be fa fiali fie kun su. Sran kun wunnin i nan ɔ'a fa fia ekun. I fɛ b'ɔ yo i'n ti'n, ɔ ko yo i sa nun ninnge'n kwlaa atɛ ɔ fa toli fie sɔ'n.»

Wie'm be kusu be tɔli asiɛ kpa su, be wlɔli, tre kun wlɔli ya, kun wlɔli ablesiɛn, yɛ kun kusu wlɔli ablasan.

An `yaci be nnyɔn'n be lɛ man ɔ fa ju awie kpɛlɛ blɛ'n, sɛ awie kpɛlɛ'n ju'n, n ´se awie i kpɛfuɛ'm be kɛ be dun mmua kpɛ awie ijre'n be cici fiɛnfiɛn be wɔ nun, nan be fa awie'n gua n tanngannin'n nun.»