Popular Bible Verses from Ima̍tiyu 26

Share

Ala̍ ē deyīrɛ; ala̍ ē jɔhā, hɛ̄ɛbɛ nīi ala̍ ge̍ e̍e gwāajɛ la otu̍tū ni̍. Uhu ma̍ chikpo̍ ge̍ē ya̍ i̍ngɔ̍ɔ, ibi̍īyē ɔlamu lɛ kwīkwī a̍nɛ.”

O̍ koko̍o de wa̍ hīka, “Īlāanyī yɛ amu ē lā u kpɛ̍ɛ bɔ̄ɔjā nīi o̍ ge̍ē de u ē ngmo̍ ma̍. Ala̍ ā gblāa amu u̍ma̍ nīi ala̍ ge̍ deyīrɛ tāa ami.”

O̍ yɛ ga iyɔ̄bū pi̍nyɛ̍ ma̍, o̍ pu̍ kpɛ̍ɛ̍ de eyī kla̍ ajɛ, jɔhā de Ɔwɔ hīka, “Ɔwɔ A̍dā yī u! O̍ ge̍ yɛ ge̍ē ngmɛ̍rɛ̍ ē mɛ, ɔ̍lɔma̍ de ɔgba̍galā yī ichi̍ nūma̍ nāa hī u. A ā chī ya̍ lɔkɔ nīi ami chikpo̍ ma̍ ni̍, ya̍ lɔkɔ nīi awɔ ɔlɔjā chikpo̍ ma̍.”

Yeyī yī u nīi hu̍ nīi yɛka ɔgwɔ̍ɔ̄gwa̍ yī Ɔwɔ de lwɔhu̍ brii ma̍ hɔ̄ ma̍ a̍nɛ. Yeyī yī u nūma̍ nīi n hu ē hunū de āchɛ yɛ̄mɛ̄mɛ̄, hɛ̄ɛbɛ ge̍ē de lɛlā ɔdwɔ̄bi̍ wa̍a̍ ē ngmo̍nyi̍ a̍nɛ.

E̍ yɛ ē re̍ ojōre̍ ma̍, Iji̍sɔ̄ɔsi nāa ibrɛ̍ɛdi bī la abɔ̄. O̍ jɔhā da Ɔwɔ o̍be ma̍, o̍ de hɛ̍, de nāa de a̍chi̍kpo̍ yī nū. O̍ ka hīka, “Ala̍ ā nāa re̍, ma̍a ibi̍īyē yī u hɔ̄ ma̍ a̍nɛ!”

O̍ wā ge̍ nāa ɔgba̍galā yī ɛ̍mwɔ̄ bī la abɔ̄. O̍ da Ɔwɔ o̍be bɛ̍ɛ̄nɛ̄ ma̍, o̍ nāa de wa̍. O̍ ka hīka, “Ala̍ wa̍a̍, ala̍ ā nāa gwa̍!

Iji̍sɔ̄ɔsi ku̍chē wā la ɛbɛ yī a̍chi̍kpo̍ yī nū āchɛ ɛta̍ ɛla̍ā ge̍ ma̍ wā nīi e̍ gbwɔlā gblāa abɔ̍ɔ. O̍ da Ipi̍ta hīka, “Oji̍ - ohu̍ nīi ala̍ i̍ hīyɛchɛ tāa ami yɛ̄grāa pi̍nyɛ̍ mɛ ni̍ ma̍/?

N ā koko̍o de ala̍! N i̍ ge̍ē gwa̍ ɛ̍mwɔ̄ nūma̍ ē gɛ ni̍, kpɛ̍ɛ ē gbo̍ ɔ̄chī ɔla̍ā nīi n ge̍ē gwa̍ ɛ̍mwɔ̄ onīpīpɛ̄ ba̍la ala̍ abɔ̍ɔ la ɛbɛ yī Ɔchwɔ̄lɛ̍ Oro̍ōre̍ yī A̍dā yī u.”

Ɔpɔ̄ɔpɛ̄, Ipi̍ta bla lɛlā nīi Iji̍sɔ̄ɔsi da ɔ̍ ma̍, “O̍bū nīi obu̍ūgū ge̍ē tɛ̄ra̍, a ge̍ē ta̍ahu̍ igbɛta̍ ka aɔ̍lɔ i̍ je̍ amɔ̍lɔ ni̍.” Ipi̍ta bīyɛchɛ pīya ge̍ drɛ̄ɛgba ɛbɛ̍bɛ̍-ɛbɛ̍bɛ̍.

Ala̍ ā nīichō nīi alɔ ā pīya! Ma̍ ɔ̄chɛ ɔ̍lɔma̍ nīi chɔ̄ɔwɛ tū u ma̍ nīi yɛ aa̍.”

Iji̍sɔ̄ɔsi da ɔngrɔ̄ɔ ɔla̍ā hīka, “De oge yī wɔ ɔla̍ā gatū la apɛ̍ yī nū. Wu̍chē oji̍ nɛ, āchɛ nīi ē nāa lɛlā yāā ma̍ ē ku̍ rikū yī yāā a̍nɛ.