Popular Bible Verses from Mátyuu 23

Share

Onet mú mu kiǐtí o-shwôm ké burwám enen o-man o-kyú ḿgbán enen.

Nang yeě nké o/yip byiko emen kyíbóng, Osówo o/chi o-bwa ne nyǐ kyísí, ne nang yeě nké o/bwa ne byiko emen kyísí, Osówo o/chi o-bêem ǎ kyíbóng.

Kyi/bên ne ben kanong kanong, ǎ bantánge Byije-Músis ne banet-Fárasyî, ben bannîm banet. Ben bamu ba-kyii ng byidóng-kasu wǎ eyím ne ashí-ose ne kángkáng byidóng-kasu byikíri ké byikit diǐkpú, ba-kye Osówo kyikit kyibónge, nké ben bamu ba-né ng bachíchí-byěm echi ḿbyí Byije-Músis byi/tángê, wǎ mpan mú ntûntû ekét ne orî-onet bafip eri ne dyityém ekyú wááng. Ḿbyín nké ben badaman ba-kûchi kámbyí, ba-cibi ne ḿbyí áku.

Kyi/bên ne ben kanong kanong, ǎ bantánge Byije-Músis ne banet-Fárasyî, ben bannîm banet. Ben bamu ba-soo ng esim-mmîk enen ne dyicáng enen nyí kyíjí, nké kafâ kaa/sú ne byěm ḿbyí ben baa/koo ké bunwa etwóp ne kanim enim.

Jisos o/fu, ô Jerúsélem, Jerúsélem. Ben bamu ba-ju ng bamkpábé ḿbé badasét byiraa-Osówo, ba-tím m to banet-kyitwóm-Osówo ḿbé nyí o/twóm běn aká. Kampén ka/firi kafěng ńké me m/mû mu n-ryuu ng n/fu, m-kpárê ng banet eyên kángkáng abwô, wǎ eringe nyí buma-ekwa mbu bu-cít ng bwǎn emen ké abyibabang, nké ben ba*da mě ebángê*.

Ké dyizong-bukwóp ándyi dyibónge, ben nang yeě nang yeě mu o-ri ng běn ké kiintaa ńkyí kyíjí wǎ banet ḿbé banong, nké ké kafâ ben baa/sú ne banet enîm ne byibî echi.