Popular Bible Verses from MATIUS 7

Share

“Do' mutuh, idi miak barén nemuyuh; do' nakap, idi muyuh miak ngalap; nateg tanga', idi tanga' ineh miak kabin kuan muyuh.

Ngaceku anid-anid lemulun luk mutuh miak ngalap; idi lemulun luk nakap miak kali', idi kuan lemulun luk nateg, tanga' miak kabin kuanneh.

“Ngaceku ineh anid-anid lemulun luk ninger balaKu ini, idi maya' ineh, ieh mepad kudeng lun mileh luk nemudut ruma'neh luun batu.

“Anun-anun luk pian muyuh ruen lun baken kuan muyuh, kudeng ineh teh, do' muyuh nganau' kuandeh; ngaceku ini ilung Ukum Musa idi bada' nabi-nabi.

Ngaceku meperi' tanga', idi isuut pipang dalan, luk nguit amé' bang ulun, idi pawa' lemulun luk semuet bang ineh.

“Do' muyuh semuet maya' tanga' luk meperi'; ngaceku rayeh tanga' idi rayeh pipang dalan luk nguit amé' bang luk ngaté, idi mula' lemulun luk semuet bang ineh.

Ngaceku ineh kudeng muyuh luk dat, kali' teh maré luk do' kuan anak-anak muyuh, meluun teh Taman muyuh luk bang surga sikal maré luk do' kuan lemulun luk mutuh Neneh?

“Aleg ngesala' nelun baken, pad muyuh pana' na uen ngesala' teh. Ngaceku Allah ngukum nemuyuh mepad kudeng muyuh pana' ngedat nelun baken. Idi dengan uad luk muyuh nguad kuan lun baken, kudeng ineh teh Allah nguad kuan muyuh.

“Anid-anid lemulun luk ninger balaKu ini, idi na sikal maya' ineh, ieh mepad kudeng lun mebacé luk nemudut ruma'neh luun bada.

Ngudehké iko nier mumuk kayuh luk bang mateh kinanakmu ineh, iamo' na kali'mu batang luk bang matehmu sebuleng? Ngudehké iko mekuu' pebala nan kinanakmu, ‘Nima' negku ngeruat mumuk kayuh rat bang matehmu,’ iamo' inan batang bang matehmu sebuleng?

“Do' muyuh matar do'-do' ratnan nabi luk mebalih luk amé nemuyuh, dengan ngayung ku buluh dumba, iamo' bang niatdeh mepad kudeng bungalé luk mesangit. Ratnan bua' kekamendeh muyuh miak ngiti nedeh. Lemulun na miak mureg bua' anggur ratnan lawa tabpa', idi mureg bua' gita' ratnan bitarung.

Kudeng ineh teh lawa kayuh luk do' ngeruat bua' luk do'; iamo' lawa kayuh luk dat ngeruat bua' luk dat.

Na miak lawa kayuh luk do' ngeruat bua' luk dat, idi lawa kayuh luk dat ngeruat bua' luk do'.

Lawa kayuh luk na ngeruat bua' luk do' ineh miak tebangen idi talan bang apui.