Popular Bible Verses from Mateo 24

Share

Nɛ kɛtɔkpum gɛganɛ kabha wuwu, banɔ gelee ɔhaglɔ ɖuɖɔ na ba yɔ, pɔ anɔɔ nɛ gɛ aza gɛganɛɛ be be bu yɛ.

Klɛ ba ba ɖɔ bukusiɔŋakɔ kibui nɛ akana kanɔ nɛ mɛ petee ansɛ kibuimɔɖɔ kɔ amadi nɛ petee, klɛ flogo pɛ obekekɔ nɛ ɔbɔ ba.

No bo nu buyu anɛ buyutɛta kɛdɔ, pɔ no di klɛ ɔkɔ sɛ kɛtɛ hwanɛ nɔ. Alasɛ tɛ ebuia nɛ aba kɛlɛ mɛ, pɔ tɛbibeke nɛ mɛ lɛ gɛ baa ba.

Amadi aba lɔ kititi nɛ amadi shu, klɛ bukusiɔŋakɔ ba lɔ kititi nɛ bukusiɔŋakɔ shu. Bubhɛ ba dɔ klɛ busukpa ba hwa nɛ ɛzakɔ gelee. Anɛ nɛ petee le nu ansɛ eyimumɔ ɛyamtɛtã kesikpɛkpɛ.

Owũsise anɛ kesukpa aba ba fla, pɔ mɛ kibui nɛ tɛ ba fla di.

Alasɛ banɔ gelee ba baa ba nɛ mɛ kinyi mɛ, aza ɖɔ asɛ, ‘mɛ nu Kristo,’ klɛ ba baa wɛɛ banɔ gelee.

“Ɔkɛlɛ la ba yɛkɔ wɔnɔ akpɛ ahwɛ kɔ sɛ ba kpatɔnɔ klɛ be be yi nɔ, klɛ amadi nɛ petee atɛ ba pɛɛ wɔnɔɛ bui akpɛ mɛ so. Nɛ kibe lɛ nɛ mɛ banɔ gelee ba ba shɛnahwɛ tɛyɛyɛkɛŋa nɛ shu klɛ la ba ga aglɔ esi klɛ la tɛa dɛmɛ aglɔɛbui, klɛ itro batɔnu gelee ba baa wɛ̃ klɛ la ba wɛɛ banɔ gelee.

Yesu ebui lɛ nu asɛ, “No lu awɔ̃ sɛ tɛ anɔnyanɔ atɛ ba wɛɛ nɔ.

Kɛlɛ so alasɛ wɔnɔ tsyɛ nɔ za tɛbɛbala mɛ, alasɛ Anɔdzyrame yɛ Eyi nɛ aba ba nɛ ɔɖɔ nɔɔ nɛ mɛ gɛ otoo di kidzoe nu.

“Kɛlɛ so nɛ nɔ za nɛ awɔ̃, alasɛ no ti nyi kiwi nɔɔ nɛ gɛ klɛa bha wɔnɔ Apalete nɛ aba ba.

“Anɔnyanɔ eti nyi kiwi nɔɔ pɛ ɔdɔgɔsɛ ɔɖɔ nɛ mɛ, baxwɛdɛ nɛ owũsise tsyɛ ti nyi, Kpaya yɛ Eyi nɛ tsyɛ eti nyi, Aka nɛ owũsise nɛ ko yɛe nyi.

Alasɛ itro be Kristo nɛ itro batɔnu nɛ ba ba wɛ̃ klɛ ba ba bhɛtɛ kɛdɔmumɔ gbɛgbla nɛ ebui gɛ abhɛtɛ bi sɛ tɛ ba yɛkɔ awɛɛ bagɛ be klu nɛ tsyɛ—onu gɛ kɛ ba kɛlɛ mɛ ana.

Anasɛ gɛ kɛza nɛ Nowa kibe, kana kɛba za nɛ Anɔdzyrame yɛ Eyi nɛ tɛ bɛ ba mɛ. Alasɛ flogo tɛ kesukpa nɛa bha ka ba yɛkɛ buni, banɔa za ŋɛdɔ klɛ ba wɛ̃ dɔ, baa gbanɔ adzɛ klɛ baa yɛkɔ adzɛ akɔ sɛ ba gbanɔ, ɔdɔ nanɔ kibe lɛ gɛ Nowa etsoku otsyokpo nɛ mɛ; klɛ be di ti kibuinyɛbui denɔ kɛ gɛ baa ba nɛ shu, ɔdɔ nanɔ kibe lɛ gɛ buni nɛ ba gbɛgba klɛ bu yɛkɔ balɛ petee ashɛ̃nɔ. Kana kɛba za nɛ Anɔdzyrame yɛ Eyi nɛ tɛ bɛba mɛ.