Popular Bible Verses from Yohanɛsɛ 14

Share

Ishuyuyɔ ilu kɔ nɔ, mɛ ishuyuyɔ mɛ ɛkɔ nɔ. Ɛdɛ kɔ nɔ anasɛ gɛ kanɔ na kɔ. Nɔ tɛ kɔ wunɔ idzyi ebhui klɛ no ti sifu.

Yesu ebuilɛnu sɛ, “Mɛ nu kidzo, kɛgbɛagba anɛ̀ ɛkpã. Anɔnyanɔ atɛ ba ba Aka ne ɔkɔ onugɛ adɛ ga mɛabha.

Tɛ kɔ wunɔ idzyi amɔ butɔ. Nɔ yɛkɔ wunɔ idzyi ɔtrɔ Kpaya abha, tɛ nɔ yɛkɔ wunɔ idzyi ɔtrɔ mɛ tsyɛ abha.

Pɔ Apɛplɛnɔ, Ɔfufɔɛ Dzyɔgo, gɛ Aka na ba sɛsɛ nɔ nɛ mɛ nyimɛ, lɔ bɔ kasɛ nɔ ebui nɛ petee klɛ lɔ bɔ baka nɔ kibuinyɛbui gɛ ɛtsre nɔ.

Anɔ nɛ gɛ ayɛkɛ mɛ ɛshã klɛ abhɛtɛ atrɔ ɛlɛabha, yɛ nu anɔ nɛ gɛ adɛmɛnɔ nɛ mɛ. Anɔ nɛ gɛ adɛmɛnɔ nɛ mɛ mɛ Aka aba dɛmɛnɔ nɛ yɛ, klɛ mɛ tsyɛ ɛba dɛmɛnɔ nɛ yɛ klɛ ɛba yɛkɔ mɛ shu kasɛ yɛ.”

Ɛba bisi Aka, klɛ aba kɔ Apɛplɛnɔ bhlatɔ tɛ aza nɔ ɔbha ɔvɛnɔ mabeke mɛ— ɔlɛ nu Ɔfufɔɛ gbɛagba. Kanɔ ka tɛ bana yɛ ayɛkɛ, alasɛ ka ta mɔ yɛ klɛ ke ti nyi yɛ. Pɔ nɔ nyi yɛ, alasɛ alɛ wunɔ bha klɛ alɛ wunɔɛ mɛ.

Klɛ ɛba bhɛtɛ kɛdɔnyɛdɔ gɛ nɔ bisi nɛ mɛ nyi mɛ, sɛ tɛ Eyi amɛna kabhakpɛkpɛ kɔ Aka. Nɔ bɔ nyɛ bisi mɛ kɛdɔnyɛdɔ nɛ mɛ nyimɛ, klɛ ɛba bhɛtɛ lɛ.

“Onugɛ nɔ dɛmɛnɔ nɛ mɛ, nɔ bɔ bhɛtɛ ɔtrɔ mɛ ɛshã nɛabha.

Nɛ mɛ Aka bupa nɛ mɛ bevu gelee ba lɛ; onugɛ kɛɛ ma ana ɛta tsre nɔ. Ɛvɛ ɔkɛlɛ tɛ ɛda bala ɔzakɔ kɔ nɔ.

Klɛ onugɛ ɛvɛ klɛ ɛda bala ɔzakɔ kɔ nɔ, Ɛba tsodzi ba klɛ ɛba gbanɛ nɔ vɛnɔ tɛ nɔ dɔ za mɛ ɔbha tɛ wunɔ tyɛ nɔ za ɔkɛlɛ gɛ ɛlɛ.

Toma ɛtsre yɛ asɛ, “Apalete, bu ti nyi ɔkɛlɛ gɛ ɔvɛ. kɛlɛ bu ba ti dzo?”