Popular Bible Verses from लूका 11

Share

मेम्‍मिमका गानी छु़लचो़ बुनीमा वो इनी चो़मिमलाई जो़पा-जो़पा ल्‍वामिम ग्‍वामु थेनी माला पाह्रीलाम इनी माम्‍चु़नीका गुमीनुङ बिपा मु़चु़मिमलाई हाङको छो़म उनी-पेल ग्‍वामी।”

“मेम्‍मिमका गो गानीलाई र्‍वाङु, बिनी, मा गानी ल्‍वानी। माल्‍नी, मा गानी डार्नी। नेमगोनो हुमु लागि हेला बेनी, मा इनीमा लागि लाम्‍चोको होल्‍सी।

हेङालोने उहेमका बियु़, मेरामका ल्‍वासु़, उहेमका मालु़, मेरामका डारु़। उहेमका नेमगोनो हुमु लागि हेला बु़ मेरामकाम लागि लाम्‍चोको होल्‍सी।

गुमीका मेर्मिमलाई र्‍वाम्‍डी, “गानी आरे र्‍वाक्‍साका सो़म्‍दी बेनी: ‘ए पाह्रीला बाट्पा आकीमा पाप, इनीमा सेपा नङ कोसिनु़, इनीमा किब्दी रोनु़

आकी कोर्थो़लाम बक्‍पामिमकु छु़ल हेप्‍साक्‍तोकोम होङङा आकी छु़लमिम हेप्‍साक्‍किनी। मेजो़पा ल्‍वालाम न-छाम्‍सिमु मेग्‍वाक्‍किनी’।”

हेल्‍लो लोवो गुकुलाई चाहेदु़म्‍पा पोमु-डुमु आनेप वो ग्‍वाक्‍किनी।

इनी मिरो़मलाई ओल ग्‍वाक्‍पा होप्‍माम धिप्‍री ने इनी मिक्‍सी सो़। इनी मिक्‍सी जो़पा दु़स्‍ता माला खोत्‍ले इर्नी मिरो़मडा ङा ओलका दो़। लावो इनी मिक्‍सीङा मेजो़पा बु माला ने मिरो़मङा तुकुम्‍चिम होप्‍माम दु़म।

“सु़का वो धिप्‍री चायु़मा थक्‍साका मेजु़लु़, खचाका चु़प्‍डु़मा मेजु़लु़, लावो नेमगोनो हुपा खोत्‍लेका ल्‍वामिनु़ र्‍वाक्‍साका बोर्सोडला जु़लु़।