Popular Bible Verses from Lûke 7

Share

Ârə̂ kä ndə̂ më tô rə̂ sə̈ mö päkëdə̂: A kô angbängbä apö lə̂ küma yê nə̂ bëte rə̂ ndə̂ tche nyîndə̂ mê tə̂ gbölösə̂nə̈. Bëte âdə a âko pö lə̂ küma akrə kpîɛ̂kpîɛ̂ rə̂, tche ânyində̂ azü kpîɛ̂kpîɛ̂ rə̂.» Jezü tô rə̂ sə̈ ɛ̈chë nə̈ päkëdə̂: «A kô pö lə̂ küma zə̈ nə̂.»

Praâbalë Jezü tô rə̂ sə̈ ɛ̈chë lâme päkëdə̂: «Kə̂ za su zə̈ sə̈ Ndjapä tchâ mö nə̂, amö gu la zɨtɨ su!»

Tche nə̂ kə̈ krʉ̂ dəngbâ Jezü tə̂ kʉ̂tê da yê. Ɛ̈chë lâme sə̂ lakə̂ kɨ, ngûla yê sə̂ lakə̂ tu pâ da Jezü, tche sə̂ lakə̂ tro rə̂ la su küma yê. Tche â kʉ̂tê da Jezü lakə̂ su yömbö nə̈ pânə̈.

Bëte rə̂ kä ndə̂ më wûn-âbô sə̂ tə̂ mê wûn djîrə̂ ndə̂kə̂ e atə̂ tchâtchu zə̈-ê. Äwäpä mo to kütû pö la ma zə̈, ânyë earə̂ kua ndə̂ mê tchadje. Bëte mëmê la tə̂ mê, më wä tchâtchâ agbölö azü ndə̂ andjë wâ pâ mê, kə̈ wâ ndjë la aturûgu tchâtchâ mê. Më tö rə̂ sə̈ ngânə̈ päkëdə̂: ‹Amö e təbhâ›, tche e ndjë; âdə më âto rə̂ sə̈ ngânə̈ päkëdə̂: ‹Amö nə tchâtə›, tche nə ndjë. Më tö rə̂ sə̈ earə̂ kua ndə̂ mê päkëdə̂: ‹Amö mbo nə̈ âtə›, tche mbo ndjë rə̂.» Ndə̂ Jezü djê pö lâme, tche gâmba gbölö akrə ndə̂ aturûgu nə̈. Jezü djêtə̂ yê, kə̈ tô rə̂ sə̈ kpûlû azü nə̈ ndə̂ andjë zâ tchêngbâ yê päkëdə̂: «Më tö rə̂ sə̈ nyê: Më gbôâbo ngâ akrə ndə̂ tche zâ su yê sə̈ mê kâkë-a, âdəndjë lə̂ azü ndə̂ Isarayële-a.»

Sə̂nə̈ lâme, Jezü tchâ azü lə̂ atə̂kömbô tə̂ gbölösə̂nə̈, kə̈ tchâ azü ndə̂ andjë ngêwele, kə̈ grô angbongbo atchozö tə̂ azü, kə̈ mbô rə̂ pä a-earə̂ föla wûn tchô. Pânə̈ Jezü tô rə̂ sə̈ azü ndə̂ Jâan wân andjê lâme päkëdə̂: «Nyë kâkä kə̂ to tchêngbâ apö ndə̂ rə ndə̂ nyë wûn rə̂, la rə ndə̂ nyë djê rə̂ sə̈ Jâan. A-earə̂ föla wün tchô, azü ndə̂ da andjê ndɨ̂, andjë nə̂ la köbo nə̈, a-earə̂ broma tchâ-ê, a-earə̂ bïtü djê pö, azü ndə̂ andjë tchû jô-ê, a mû Tchôtchô Pö sə̈ a-earə̂ yûkü nə̂.