Popular Bible Verses from छाम्‍माय़ङ 1

Share

मेन सेङ्‌लावा खानानिन्‌एदा म़य़कि खानानिन सावा त़तोक्‍तुम, खोन्‍किना खानानिन यरुसलेम्‌दा खोन्‍कि झारा यहुदियादा खोन्‍कि सामरियादाकिना झारा हेन्‍खामादाओ म़नाचि अ़ङ्‌तुक्‌वादा खात़एत्‍तुम्‍च़म।”

येसुआ खोचि म़लासुलोचि, “अ़ङ्‌पापा निनाम्‍हाङ्‌आ अ़ङ्‌का इस्राएलि म़नाचिओ अ़चुहाङ ऩमुङाओ अ़छ़ङ अ़मुवाओ ग़रि खोन्‍कि लेन्‌चि खानानिन सिन्‍मा अ़दोत्‍निन।

अ़क्‍दु येसु अ़चुछाम्‍माय़ङ्‌चिएनान चा-चासि म़युङाहिदा खोक्‍कोसाआ खोचि म़लोचि, “खानानिन यरुसलेम मान्‍छित्‌दादानुम, मेन अ़ङ्‌पापा निनाम्‍हाङ्‌आ य़सुङ निकिना ऩहिप्‍तिन्‌ओ सेङ्‌लावा ओदाङा हुङानुम। मो य़ङ्‍ओ अ़तुक्‌वादा अ़ङ्‌का खानानिन बुयाङा लोनाचिन्‍नानिन्‌ओ। देकिनालो युहन्‍नाआ ना चाक्‌वाआ ओन्‍ङा म़नाचि बप्‍तिस्‍मा प़चि, मेन अ़क्‍चित्‌का लेन्‌कि निनाम्‍हाङ्‌आ खानानिन सेङ्‌लावाआ बप्‍तिस्‍मा ऩप़न।”

येसु क्रुस्‌दा म़सुवा खोन्‍कि खोक्‍को म़खोन्‍तालोन्‍ताकि चालिस्‌कालेन्‌तारि छाम्‍माय़ङ्‌चिएदा ब़द्‍धेकादु खाङ्‌म़मुसान्‍चिन। मोन्‍ग़रि खोक्‍को खोचिएनान निनाम्‍हाङ्‌ओ अ़चुहाङ्‌होन्‌ओ अ़तुक्‌वादा म़चेवा। खोक्‍कोसाआ मो म़नाचिएनान हान्‍छाङ ह़ङ्‌ङाङा निकिना ब़द्‍धे अ़नुछ्‍याओ सालुम्‍स़ङ्‌चि खाङ्‌अ़मुसा।

खोन्‍कि ओन म़य़ङाचिआकि मोचिआ येसु अ़खाङाहिदाङा निनाम्‍मादुत्‍नि निनाम्‍हाङ्‌आ अ़थेन्‍ताखात्‍ता, खोन्‍कि माक्‍मुइवाआ दिप्‍तुखात्‍तुकि मोदाङ्‌का खोक्‍को मान्‍खाङ्‌अ़दा।

मोचिआ येसु नाम्‍चोक्‌दुत्‍नि म़खाराङाओ हुत्‍तुवारिरि अ़चोआयुङ्‌साङाहिदा छोक्‍छोक्‍छोक्‌वाओ तित हुम्‍साङाचिओ ह़वाङ म़नाचि म़प्‍च़क़क्‌दा मोचिओ अ़चुबुदा एवाताचि। खोन्‍किना मोचिआ अ़लोवाचुचिन, “गालिल्‌दाओ म़नाचिओ, खानानिन देकि त़एविन्‌कि नाम्‍चोक्‌दुत्‍नि खात़चोविन्‌येन? खानानिन्‌आ ओन्‍ग़रि ओ येसु आम्‍नुओ रादाङ्‌का निनाम्‍मादुत्‍नि देत्‍नि निनाम्‍हाङ्‌आ अ़थेन्‍ताखात्‍ताङाओ त़खाम्‌युङ्‌सुम, मोवात्‍निङा खोक्‍को ओ हेन्‍खामादा म़लाय़।”