Popular Bible Verses from Sɩngre 35

Share

Wẽnnaam yeela a Zakoob yaa: «Mam yaa Pãng-Soab a Wẽnnaam. Bɩ f paam dogem n fɩɩg n lebg wʋsgo, fo na n yɩɩ bu-kãsenga, la buud wʋsg na n yii fo pʋgẽ. La rĩm-dãmb na n yii fo pʋgẽ. Mam na n kõo foom tẽng ninga, mam sẽn dag n kõ a Abrahaam ne a Izakã. La fo loogr zugẽ, mam na n kõo fo yagensã tẽn-kãngã.»

Tõnd na n yikame n kẽng Betɛlle. D sã n ta be, mam na n lugla tẽn-kugr n pʋʋs Wẽnnaam ning sẽn leok maam m sũ-sãangã wakatã, la b yãag maam m so-toakã pʋgẽ wã.»

Wẽnnaam yeela a Zakoob yaa: «Fo yʋʋr la a Zakoobe. La b ka na n leb n bool foom t'a Zakoob ye, fo yʋʋr na n lebga a Israyɛlle.» Dẽ, Wẽnnaam pʋda a Zakoob t'a Israyɛlle.

A Zakoob yeela a zaka rãmb ne neb nins fãa sẽn dag n be yẽnda zakẽ wã yaa: «Yiis-y wẽn-naandsã sẽn be yãmb nengẽ wã, la y yɩlg y mense, la y tek futu.

Wẽnnaam yeela a Zakoob yaa: «Yik n kẽng Betɛll n tɩ zĩnd be. Fo sã n ta beenẽ, bɩ f lugl tẽn-kugr n pʋʋs Wẽnnaam ning sẽn dag n vẽneg b meng ne foom wakat ning fo sẽn wa n zoet n na n põs f kẽem a Ezayu wã.»

La wakat ning a Rasɛll sẽn namsd n dat n ki wã, a pʋda biigã yʋʋr t'a Bɛn-Oni, sẽn dat n togs tɩ ‹mam toog bi-ribla›, la a ba a Zakoob pʋda a yʋʋr t'a Benzame, sẽn dat n togs tɩ ‹mam nug-rɩtg bi-ribla.›