Popular Bible Verses from Yikri 2

Share

Dẽ, Wẽnnaam wʋma bãmb yãbrã, n tẽeg kaool ning bãmb sẽn dag n maan ne a Abrahaam la a Izak ne a Zakoobã yelle. Wẽnnaam gesa Israyɛll nebã, la Wẽnnaam bãnga b namsgã.

Sẽn kaoos wʋsg rẽ zugẽ, Ezɩpt rĩmã kiime. La Israyɛll nebã rag n yãbdame la b kelemd b yembdã pʋga. Bãmb sẽn dag n kelemd n baood sõngr b yembdã pʋgẽ wã zẽk n taa Wẽnnaam nengẽ.

Biigã sẽn bɩ, pagã tall-a lame n tɩ kɩs Faarõ bi-puglã, t'a lebg wa yẽnda meng biiga. Yẽnda pʋda biigã yʋʋr t'a Moyiisi, n yeele: «Bala, mam yaaga yẽnda koom pʋgẽ.»

Faarõ bi-puglã yeela pagã t'a reeg biigã n tɩ yẽsem n kõ-a t'a na n yao-a lame. Dẽ, pagã rɩka biigã n tɩ yẽsme.

Faarõ bi-puglã siga Nill kʋɩlgẽ wã n na n so koom, la pʋg-sadb nins sẽn dag n tũud yẽnda wã rag n yegda kʋɩlgã n kẽnda. Faarõ bi-puglã yãnda peoogã sẽn be rudmã sʋkã. La a tʋma a tʋmtʋmd-poakã t'a tɩ rɩk-a n wa.

Wakat-kãnga, a Moyiis sẽn wa n lebg bi-kãsenga, a yiime n kẽng n na n tɩ ges a saam-biisã, la a yãnda tʋʋm-wɛglã b sẽn tʋmdã. Yẽnda yãnda Ezɩpt ned a yembr sẽn pãbd Ebre ned sẽn yaa yẽnda saam-biiga. Dẽ, yẽnda wẽnemdame n ges zĩigã fãa, la a sẽn ka yãnd neda, a kʋʋ Ezɩpt raoã n bus bĩisr pʋgẽ.