Popular Bible Verses from Mi cilima 41

Share

Josefi den guani ki yedi Faraon: «Mini ka baa fidi ki bundi ti dangidi. U Tienu n baa doagidi a po ti dangidi yeni n bua ki yedi yaala.»

Faraon den yedi ba: «Naani ti baa fidi ki go baa yua n tie nani o naa joa, ki pia U Tienu Fuoma o niinni?»

Faraon den yedi Josefi: «Yaala n teni ke U Tienu waani a line kuli yeni, yua go pia banma, bi yanfuoma nani fini yeni ki ye. Fini n baa yaa tugi n diema yuli, n niba po mo, ŋan yedi yaama, mani n baa yaa ye. Ti gbandi, min kaa yaadi yaa po bebe n baa yaa tie mini leni fini siiga mi paadima.»

Wan den yuandi ki mali yua mo, o den yini o Efrayimi, kelima o den yedi, U Tienu puni nni li baali min laa fala yaa diema nni.

Josefi den yini o bijakpelo Manase, kelima o den yedi U Tienu teni ke n sundi n fala leni n baadiegu kuli.