Popular Bible Verses from GIING'EETA 37

Share

Muchu goorgweadi Yosefu, iidu nea gwarukwiisa orjooga ghaamwat iita hean geesit ghwaraanya.

Nea abeeda Israeli ghabwariiy Yosefu muuchi ea ghang'al diibigaaschi suurja, aba gideaba baleanda jih nea niwaasiidi; ak gwasissa hang'da geaw gul ng'eanyi mideawa geatinga.

Hean daah orjooga ghaamwat gideaba ghabwariiy ghwaan muuchi ea ghoadaraam orjooga ghaamwat, hean geesit, ak iissa ea meebaloola aba ghuuta miy.

Muchu gabiikta goorgweadi girgweacheanda nuut, ak gwarukusa orjooga ghaamwat, ak gwayeesha, “Ng'ula, geargweadayi girgweacheanda nuut; asi ng'ula, aseeta ea sheeda, ea miin damwanagi nea gwatkuy aba madeedeanyu.”

Ng'ata gwashissa ghaang' orjooga ghaamwat, nea ghwayiin ghwaan ng'asheanji jeadaanyi.

Gwayeesha saawa, “Ooleeysiiniit giirgweatka eargweadayi: ng'ula, gearadaadi muschoonga ngaano aba madamnyeanda, ak ghang'eat muschoonyeandeanyu ghamiinaada; ak ging'ulayi gooweameesa muschoongeagwa guumda, ak gwatkuy aba madeeda muschoonyeandeanyu.”

Asi apkaani, eabwara ak geejaksi jeemba shoomani; ak abeeda geeyeeshi niyaak diyeayda jarooda, ak abeeda geadaayi giirgweatkaaschi ea jea ghoah huumwa.”

Iidu ghang'ata fuga ageakshachi bea eemeeda Midiyani; hean geelealna Yosefu jeeda shoomanda, ak geeshaayda aba heeda fuga Shumwaheeli aba shiliingaji diktam; ak geayaat Yosefu ng'eanyiida Misri.

Hean gwayeesha geat, “Asi nukwa ghwaan siida giirgweatka.

Ak gwadeagu saawa nea gudeasheagi, hean nea mii gwaneekiisa saawa gabaloola badiida gichea eabwarda niny.

Ng'ata gwayeesha Rubeni saawa, “Adoahiidi foojeanda; ajaksiina jeedeaba shoomani mida dareapcheedean, ak ea adoosawanyi,” nea gagasa gichea gwalealdeayda aba geatinga nyaawa ak ghoadealda heeda ghwaan.