Popular Bible Verses from Luka 5

Share

Ammaa ilosha kaia Simon: Serisa ngalava yafo na kulya karikari ka nruva mwolote-fo mireyo yanu mureye makunga!

Simon kamwaṛua kamwia: Nndumi, kio ki tindelala rembo barań tiireiyaanta iwara kindo. Kake kiimba kya kirero kyafo kwanshiia noolotaa mireyo yakwa mureń. Neeli vatana kuro, vakawara makunga meengi na mireyo yawo ikaranduka.

Kake ye muni kaiwukana kaenda kundo kutayo vandu. Katerevia-fo Iṛuva.

Nansha ivaanga vasumani ndi, kake warekwa, amu vailashike nrimiń.

Ili Simon Petiro alolia ifi, kawa na si marendeń a Yesu kamwia: Uka kwakwa, Nndumi, fulya niń nkee nndu nrekwa.

Na Yesu kaaṛua kavaia: Valya vatalole vaṛuyaa mwaanga ndi kita iwo valole tubu.

Vakawiiṛa ngalava alya mbaai vakabunawo findo foose vakasoṛa Yesu.

Ili eekee muṛiń umwi wa miri ilya, ifo eeifoo nndu aworwa ni ivave deń. Nae ili andelolia Yesu, kawa si na kisangu kantereva eenumbuaa: Nndumi, kwankunda kumakii ishishiisa. Nae kasaaṛa uko lwamwi kambaana eereraa: Mfurie, va nsha! Lia eni ivave lyamwi likamwuka.

Kake mboni tamwi tikaengeṛia ikwana. Na vandu vakakusandia matoroto meengi veemwaranyaa na ikiṛwa saka tawo.