Popular Bible Verses from Yohani 19

Share

Ilelo lwʼaposheleyʼipele lya asiki uYesu, pʼahati: Zyasila. Pʼahagovoha itwe, ahasililishila.

Pisinda pazinizi lelo, lwʼamanyilʼuYesu ukuti zisizile zyonti, pʼahati: Numilwe. Shʼuwenʼahati zisile nzila zyonti zye zisimṿilwe.

UwenʼuYesu lwʼawenyi nunyina numusundikwa wʼali wʼunkundwa kukwakwe, wope ayimiliye pupo, pʼahayanga kwa nyina ahati: We mwantanda, uno we mwana waho. Pʼahamuvuzya umusundikwʼuno ahati: Yenya, uvinyu wununo. Uwenʼumusundikwʼuno ahitiha he havalilizyo hanaha, ahamuposhela kunkaya yakwe.

Ilelo pe vahavala nakwa Yesu, uwene vahaga afuye hali, pe vahasitʼukumupwotʼiṿinama. Nkandi wokʼumusikali ahamulasa nimpalala paluvazu, ilelo pe gahazwa mumwo namavanda naminzi.

Zinizi nyene zye zyapezilwe ukuti lilunjihaje izwi lye lisimṿilwe mwa kalata lye likuti: Nalimʼifupa lyakwe lye lilipwotwa. Havili ilinjʼizwi lya mwa kalata likuti: Valimulola we vamulasile.

Pe vahamusendʼuYesu, vahavala nawo. Uwene ahanyatulʼishihovenkanyo shakwe, ahafuma munkaya, ahavala pala pe vakuti pe pa-Lupanga, pʼavaHebuli vakuti pe pa-Goligata.

Avenʼavasikali vahazingʼishipambwi sha lwangwa, she vahamuviha kwitwe, vahamuzwiha numwendʼumushemamu.