Popular Bible Verses from Mwamulizo 13

Share

Yisi yiyino yose yono wukuyiwona, ane nokupela gwegwe hamonga no lulelo lwako, yiwe yisi yenyu ko ku cibitilila.

Nayo Loti lono vyali vyakondya kwitemanuka na Abulamu, u Muwaha Mulungu yakamulonjela Abulamu yakatya, “Ale ta, winule meso gako ku wulawilila baho hono wimile, nagwe wulanje zimbavu zose, kusumuka, kutakama, kucilima na kumwezi.

No lulelo lwako nowanoza wawe wenji muno muno kotya muhangha we yinze. Nha vyono muhangha si wosuma kuwalwa, ale, nhavivyo no lulelo lwako nalo, si losumika ku wuwalwe!

Holeka Abulamu yakamulonjela Loti yakatya, “Gwe mwanangu, si viswanu hawe na mazozo no wugombane hagati yetu, hamba hagati ye wadimi wako ne wadimi wangu, hambi ase nha cili ndugu.

Hodu Abulamu yakawa kulikula lihema lyakwe, yakawa kubita kwikala behi ne miyaloni, i mibici ye minghola ya Mamule, yono yili mu Hebuloni, nako kuko, yakamuzenjela Muwaha Mulungu cikumbicilo.

Nayo Loti yakenula i meso gakwe, yakayilanga nyika yose ya Yoludani, nayo yakayiwona vyono yina malenga menji hanhu hose gono gakwiliye. Nayo yinha kotya lilolo lyo Mulungu, na kotya yisi ya Misili ku lubavu lwa Sowali, lono Mulungu yali yakali nagongomeza imakaya ga Sodoma na Gomola.