Popular Bible Verses from HRƆMU 8

Share

Wó maʔa cɛn mà yo Nyɛʔɛlɛ lí na tunŋu ko yrɛbɛ pì bɛfu ní na kmaʔa hanri bee kan Nyɛʔɛlɛ lí na pe glanʔa ge, bee li dá yeri mâ yala li nadanma ní me.

Mɛjɛn mí ma paʔa na mà yo yraʔa kà wo wa ga kí bi gban bí wo laʔa Nyɛʔɛlɛ li glanʔama na me. Kùʔù gi yoo, nyuwyeʔe gi yoo, mlɛŋɛyee yoo, fanŋa fɛɛ ní sye fɛɛ ní bee pé nyɛ wa namuru ni de pee bɛ yoo, alaʔa kaʔala yoo, kpɛndo kaʔala yoo, namuru fanŋa yoo, tra noʔo fanŋa yoo, mà haʔa ahranma pi tɔ na be. Yraʔa kɛ̀ ìn bi gban bì wo laʔa Nyɛʔɛlɛ li glanʔama na me, mɛjɛn wó na li glanʔa wò fɔlɔ Jesu Krisi fanŋa ni.

Ki podeme na, Nyɛʔɛlɛ li Nyìli lí na wo hari, wòó bee wó nyɛ fanŋa fun wò pama namyɛlɛ na le. Mɛjɛn woò na gbanni bì da nyɛri nɛ pa kí ma yala wó da nyɛrí pomo ma na ge. Di Nyɛʔɛlɛ li Nyìli liì tapolo lí na Nyɛʔɛlɛ nyɛri le wo kan cɛnʔɛ ní, ga hɛn wà wóo gban bìʔi fligi kayoro ní ge.

Wó bi nyaʔa yo san? Nàʔa po Nyɛʔɛlɛ lí nyɛ wo nì ge, han bi gban bì fanŋa ta wo na?

Di ŋaŋa ni ge bee pé ma po teme na Jesu Krisi nì we pe woʔo wò wa kiti ni we.

Bì da ga hanri wre klɛnmɛ mí na ca ge ki tanʔahaʔa kí nyɛ kùʔù nì. Di bì da ga hanri Nyɛʔɛlɛ li Nyìli lí na ca ge ki tanʔahaʔa kí nyɛ nyuwyeʔe ní, ní nyimi ní.

Di wó na fanŋa taʔa kaʔa kè bɛfu na ŋa fanŋa ni wó noo glanʔa ge.

Mí ma paʔa na mà yo ga wó na cɔlɔ ŋaŋa ni ge kòo gban bì donli kpangbanma ma nì Nyɛʔɛlɛ lí gà ba gan wo ma ge.

Nyaʔa gi kí bi gban bí wo laʔa Krisi wi glanʔama na me? Cɔlɔʔɔ gi yo, dee di yɛgbanʔa gi, dee di kagbanʔa gɛ, funŋu gi yo, fyomo mi yo, fyara kala li yo, dee di kùʔù gi?

Nyɛʔɛlɛ la lí na dihonyee nyaʔa be, lí na Nyɛʔɛlɛ li Nyìli li honriʔi cɛnni ge, mɛjɛn Nyɛʔɛlɛ li Nyìli lí na nyɛri Nyɛʔɛlɛ li woo kan be mà yala Nyɛʔɛlɛ li nadanma ní me.

Bee Nyɛʔɛlɛ li Nyìli lí na pe sinni ge, pè bɛfu pé nyɛ Nyɛʔɛlɛ li pii.

Mɛjɛn bee pé na tanri ná yala wre klɛnmɛ ní me, ki woo pé naʔa ca bì da mi nadanma miì hanri. Di bee pé na tanri ná yala Nyɛʔɛlɛ li Nyìli ní le ki woo pé naʔa ca bì da li nadanma miì hanri.

Li ìn dà li Pitaʔa syɔ ge cɔlɔʔɔ ma, di li dɔɔ́ fara sraʔá wò bɛfu kala na. Nàʔa po ban, kanyɛmɛ na lí bi ba yrɛbɛ pì bɛfu kan wo ma bì haʔa wí na.

Nyɛʔɛlɛ li Nyìli lí naʔa nyu wò ma mà yo: Wó nyɛ Nyɛʔɛlɛ li pii. Pa wo gâ bo li pii ge, wó nyɛ li krɔʔɔ lifɛɛ. Pa wo nyɛ Nyɛʔɛlɛ li krɔʔɔ lifɛɛ, wó bi ba blɛn bì krɔʔɔ kpe Jesu ní we. Mɛjɛn, nà wo da jɔlɔ wí ni teme na, pa wo ba blɛn bì bo wa wi ní wi kpangbanma ni me.

Bee pé na ga hanri wre tí na ca ge pé nyɛ Nyɛʔɛlɛ li bɛnfɛɛ. Mɛjɛn poò na li furu kayoro kpɔʔɔ de. Ali pòo ja gban bìʔi hanri.

Nyɛʔɛlɛ li ahranma pì bɛfu pí na nyiŋi hanni ge ceŋge ga na lí bi ba li pii tyɛʔɛ be pí na ge.

Mɛjɛn wó maʔa cɛn mà yo ahranma pì bɛfu pí na cɛn na cɔlɔ teme na fɔ mà bâ no alaʔa na ge, nɛ pa acɛnlɛ fɔlɔ ŋa nyɛ wí na cɛ́n wí bi he ge.