Popular Bible Verses from HRƆMU 6

Share

Mɛjɛn kapere ti tonro wí nyɛ kùʔù nì, di Nyɛʔɛlɛ li nadanma yraʔa kiì gi ga nyuwyeʔe bajegɔ ní we ga wó na taʔa wò fɔlɔ Jesu Krisi wi fanŋa ni ge.

Mɛjɛn kapere ti ìn bi fanŋa ta ye na. Yoò nyɛ wa furu kayoro tiì fanŋa ni, di yé nyɛ wa Nyɛʔɛlɛ li haʔama mi fanŋa ni.

Nyiŋi ga na wo da gâ batise ge, wo dá bo nɛɛ wó ma ku wi ní. À pe wo le wa wi ní fanʔa ni ge, jango wòó fanna wo da danrí nyuwyefonŋo na nɛ pa To Nyɛʔɛlɛ li dá Krisi nyɛ we móò yrígi kuu ni be li fangbɔʔɔ nî ge.

Yò gáa yè awiri kanʔa kapere ma de nɛ pa tipeʔe hranma mi tungɔyrɛbɛ nyɛ be. Di ye yè kân Nyɛʔɛlɛ ma le nɛ pa hɛɛn bee nyɛ pé ku mâ nyɛ ge mâ po nyuwyeʔe na ge, ye nì ye yè awiri kan li tunŋu ma ge nɛ pa tungɔyrɛbɛ nyɛ be, jango ye da ga hanri kí nyɛ sinŋi ge.

Wó maʔa cɛn mà yo kplɛʔɛ na wo dá bo pomo ma na mi dá gu Krisi nì we wa tipraʔa na ge, jango wo polɛmɛ mi kapere fanŋa ki kɔ, wò gá bo wa adi kapere ti ŋklomo ni me.

Ki pomo na me yèé fanna ye da yè cun kuulu kapere ti namyɛlɛ na le. Di ye da yè cun nyuwyeʔe hɛɛn Nyɛʔɛlɛ li namyɛlɛ na le ga na yé ma kpoʔolo Jesu Krisi nì we.

Wó bi nyaʔa yo san? Kí ma yala wo kò wo da kapere hanri de jango Nyɛʔɛlɛ li haʔama mi da nyɛʔɛ mii sye yo? Ayo dɛ. Wòó bee wó ma ku kapere namyɛlɛ na le, paʔa bo mɛlɛ wó gbàn wó da ti hanri adi ge?

Yé maʔa cɛn kmaʔa mà yo, nà ye da hɛn wà kpɔʔɔ bì da tunŋu ko wí kan ge, ye na krɛ̀ʔɛ̀ ki kundiʔi wi ŋkloolo ŋa yé na kpɔʔɔ ge. Nàʔa po kapere di yé na kpɔʔɔ ge, ki tanʔahaʔa kí nyɛ kùʔù nì. Nàʔa po Nyɛʔɛlɛ li yé na kpɔʔɔ ge, ki tanʔahaʔa kí nyɛ sinmi ní.

Wo Nyɛʔɛlɛ syeri le, mɛjɛn ye da glú mà po wa kapere ŋklomo ni me. Di ŋaŋa ni ge krɛʔɛmɛ ma yé ma ta ge yé ma mì kpɔʔɔ yè dihon wì bɛfu ní. Yé ma syɔ kapere ŋklomo ma me mà krɛʔɛ Nyɛʔɛlɛ li ŋkloolo jango ye da sinmi hanri.