Popular Bible Verses from HRƆMU 5

Share

Di Nyɛʔɛlɛ lí ma li glanʔama tyɛʔɛ wo na pomo ma na mí ma: Nyiŋi ga na wo dá bo kapere hanrifɛɛ adi ge, Krisi wɔ̀ɔ bâ gu wo kan.

Ki honriʔi pahaʔa koò na fɛrɛ tonni hɛn na fyeu, mɛjɛn Nyɛʔɛlɛ lí na glanʔama ni wa wò dihon ni we Nyɛʔɛlɛ li Nyìli fanŋa ni ge, la lí ma kan wo ma ge.

Ki woʔo ga kiì nigbe ban, di wó na pin lafiʔimi nì yɛgbanʔa kala na le, mɛjɛn wó maʔa cɛn mà yo yɛgbanʔa kaʔa ké na wo kanʔa lagunmu ní. Ga wó na yɛgbanʔa kaʔa kunnu ge wò nî ge kí na Nyɛʔɛlɛ glanʔa le. Paʔa na li glanʔa ge, wó ma honriʔi pahaʔa ta.

Pa Nyɛʔɛlɛ lí ma wo co hɛnsinbee wò pama kala na le, wó nyɛ nyimi na lí ni wò fɔlɔ Jesu Krisi fanŋa ni ge. Jesu wi fonʔo ni wó ma gban mà Nyɛʔɛlɛ li haʔama cɛn me wò pama kala na. Ki haʔama mí nyɛ wo ma ŋaŋa ni ge. Wó nyɛ lafiʔigbɔmo nì ga na wó ma honriʔi pahaʔa ta wa Nyɛʔɛlɛ li kpangbanma ni me.

Mɛjɛn wo dá bo fanŋa fun adi. Krisi wɔ̀ɔ bâ gu wòó hɛnpee kan, nyiŋi ga na Nyɛʔɛlɛ li da gón ge.

Krisi wi kùʔù kala na Nyɛʔɛlɛ lí na wo cun hɛnsinbee. Nàʔa po ban, kòo bo gbanʔa wi ma bí wo syɔ Nyɛʔɛlɛ li nafunŋu ma ge.

Pa hɛɛn fafaʔa dà grɛʔɛ kapere hanrifɛɛ hɛn nigbe wi baloʔomo kala na le, ki podeme na hɛɛn fafaʔa bi ba grɛʔɛ hɛnsinbee hɛn nigbe loʔomo kala na.

Kiì nigbe ban. Di Nyɛʔɛlɛ lí ma wo kan lafiʔimi nì wò fɔlɔ Jesu Krisi wi fanŋa ni. Wiì wi ŋa wí ma wo kan á wo po tanma ni Nyɛʔɛlɛ ní le.