Popular Bible Verses from HRƆMU 10

Share

Nà maʔa yo ma nò ní ge hɛɛn pe yɛʔɛ̀ na bì yo Jesu wí nyɛ ma fɔlɔ bì nì bì baʔa na wa ma dihon ni we bì yo Nyɛʔɛlɛ li dɔɔ nyɛ́ mòo yrígi kuu ni be, pa ma syɔ.

Mɛjɛn hɛn wi în baʔa na wa wi dihon na we, Nyɛʔɛlɛ li noó cò sinŋi. Hɛn wi naʔá yo wi nò ní hɛɛn pe yɛʔɛ̀ na ge, li noó syɔ.

Ki pomo na me hɛɛn pé na pa kayoʔo ga na pé ma loʔo ge. Pé maʔa loʔo hɛn ŋa ma wí na Krisi wi kayoro nyu pe kân ge.

Nyɛʔɛlɛ li kayoro tí naʔa nyu mà yo: Hɛn wì bɛfu ŋa wi pá wí na ge, fɛrɛ ìn bi gà don ki woo na we. Ki pomo na, kanla wò nyɛ wa Juwifiyee ní klòʔo ke tɔɔ hɛɛn pe kpafoʔo ni ge. Mɛjɛn pe fɔlɔ wí nyɛ nigbe mà po hɛɛn pè bɛfu pe yugu na ge. Wiì wi wí na kmaʔa hanri pè bɛfu na, bee pé na wi yele yeri le. Nyɛʔɛlɛ li kayoro tí naʔa nyu mà yo: Hɛn wì bɛfu ŋa wí na wò fɔlɔ wi yele yeri le, pɔɔ syɔ.

Nà ki ìn bo pé ma kayoro jarifɛɛ troʔo be wa, pa peʔe po mɛlɛ bí da ti nyu hɛɛn ma be? Nyɛʔɛlɛ li kayoro tí naʔa nyu ban mà yo: Kí nyɛ tanʔa bí hɛɛn bee nya pé na pan kayotanʔa nì ge.

Di paʔa bo mɛlɛ pé da wi yele yeri le, kí po pe ìn ba wí na ge? Hɛɛn pa peʔe po mɛlɛ bi bá wí na nà ki ìn bo pé ma wi kayoʔo loʔo ge?Pé biʔi po mɛlɛ bí wi kayoʔo loʔo ge nà ki ìn bo hɛn wà naʔa jari pé kan ge?

Mɛjɛn Krisi wí ma furu kayoro kɔ de, jango bee pé na pa wí na ge Nyɛʔɛlɛ li da pe cùn hɛnsinbee.