Popular Bible Verses from LUKE 6

Share

Ye da hɛɛn kanʔa. Nyɛʔɛlɛ pa li da ye kanʔa. Lí bi ba alege nyi yrɛbɛ ní, bì pi heri, bì pi kpoʔoro bìʔi nyi nɛ fɔ pi wò bì pi kân ye ma. Mɛjɛn yé na tonli hɛɛn kan alele la ni ge, Nyɛʔɛlɛ lí bi ba yè woʔo tonli ge wa ki alele liì ni.»

Hɛnkmaa wi naa akmaba yrigi wa wi lama krɔkmaʔa ni ge. Hɛnpee wi naa apebe yrigi wa wi lama krɔpeʔe ni ge. Mɛjɛn yraʔa ga kí ma hɛnwyee wi lama nyi me, wi nò ki naa ki nyu.

Di kí ma yala yè bɛnfɛɛ pe da ye glanʔa, ye da kakmaʔa hanri, ye da fwɔrɔ wa, yò gáa honri ti nyoʔo tama na me. Ki pomo na me, pa ye ba tonro kpangbanŋa ta bì bo Nyɛgbɔfiʔi pii. Mɛjɛn Nyɛʔɛlɛ liì li lí na kmaʔa hanri bee na poò na li syeri ge ní hɛnpee ní be.

Kí ma yala ye po nyugara tafɛɛ nɛ pa yè To wí nyɛ nyugara tafɔlɔ pomo ma na ge.

Yò gáa kiti kon hɛn wà na. Nàʔa po ban, Nyɛʔɛlɛ lòo ba kiti kon ye na. Yò gáa klomo kanʔa hɛn wà ma. Nàʔa po ban, Nyɛʔɛlɛ lòo ba klomo kan ye ma. Ye da hɛɛn pe kapere yari de pe kân. Nyɛʔɛlɛ pa li da yè woro yari de ye kan.

Di yèé bee yé na nuru ná ma ge, mí biʔi yo ye ma bì yo: Yè bɛnfɛɛ pe da ye glanʔa, ye da kakmaʔa hanri bee kan pé ma ye cɛ ge. Bee pé na ye danŋa ge, ye da Nyɛʔɛlɛ wa ye da pe kanʔa. Bee pé na ye cɔlɔ ge, ye da Nyɛʔɛlɛ nyɛri le pa kân.

Yraʔa kì bɛfu ga yé cori hɛɛn pé da hanri ye kan ge, yèé fanna, ye daʔa hanri pé kan kpo.

Nà hɛn wà bi ma kmó kaca na, ma ki tɔ kan ge wi ma. Nà hɛn wà bí ma drekpɔʔɔ syɔ ge ma ma fanŋa na, mò gaʔa ce tatugu na ge. Nà hɛn wà bí yraʔa kà nyɛri má ma ge, maʔa kan wí ma. Nà hɛn wà bí ma kyɛʔɛ yrɛbɛ syɔ ma ma fanŋa na ge, mò ga pi nyɛri wí ma adi.

Mɛjɛn tikmaʔa koò na pibi tipebe seri. Titipeʔe koò na pikmaba seri kpo.

Pé na tiri cɛnni ti pibi piì na. Poò na fige pibi co wa huru tiʔi na ge. Poò na hrɛsɛn pibi co wa hufiʔi tiʔi na ge.