Popular Bible Verses from JAN 21

Share

Pe gâ li mâ kɔ nyiŋi ga na ge, Jesu wɔ̀ɔ Simo Pyɛri po we: «Simo mo ŋa Jan pyɔ we, mí na ma glanʔa mà toro pomo ma na mí na bee glanʔa be yo?» Wɔ̀ɔ wí po: «Ee, na fɔlɔ, mo má maʔa cɛn mà yo má na na glanʔa.» Wɔ̀ɔ wí po: «Maa na mbapleʔe kanʔa ge ke da lí,» mà nì mòo yugu syɛnwoʔo na mà yo: «Simo, mo ŋa Jan pyɔ we, mí na ma glanʔa yo?» Wɔ̀ɔ yo: «Ee, na fɔlɔ, mo má maʔa cɛn mà yo má na na glanʔa.» Jesu wɔ̀ɔ wí po: «Ma da na mbara naʔa de.» Wɔ̀ɔ wi yugu tanriwoʔo na ge mà yo: «Simo, mo ŋa Jan pyɔ we, mí na ma glanʔa yo?» Àʔa Pyɛri wi wre kpo de wi na ga na Jesu wi da gɔ́ɔ̀ yugu tanriwoʔo na ge, mâ yo: «Mí na ma glanʔa yo ge.» Wɔ̀ɔ wí po: «Na fɔlɔ, má ma kaʔa kè bɛfu cɛn. Mo má maʔa cɛn mà yo má na na glanʔa.» Jesu wɔ̀ɔ wí po: «Ma da na mbara kanʔa ti da lí.

Mí biʔi yo má ma kanyɛmɛ na, bì yo: Ma najɛrɛ nyiŋi na, ma dá bo na ma anuʔulu pun le ma na mà yɛ mà na sye ma nadanma deʔe na. Di nà ma gá ba lɛ ge, pa ma ba ma kyɛrɛ̀ haʔala de wà kan, wi ma anuʔulu pwɔ le ma na wi ma troʔo wa deʔe ga na mɛ ìn jori bì gɛri ge.»

Wɔ̀ɔ pé po: «Ye fála wa le wa nyumu kɔrɔ ki kaligi namyɛlɛ na, pa ye pèè ta.» À pe li wa wa di pe ìn gban bì li kle bì li fara fyɔɔ pe nyɛʔɛmɛ kala na le.

Simo Pyɛri wɔ̀ɔ pé po: «Mí bi gɛri bì yàá fála wa.» À poo po: «Wòó fanna, wó bi blɛn má ni bì gɛri wa kpo.» À pe jɛ mà kɛri mà yâ je nyumu kɔrɔ kà ni, di pe ìn yraʔa kà ta ki yebliʔi ni ge.