Popular Bible Verses from JAN 15

Share

Mɛjɛn mí nyɛ tiʔi. Yèé yé nyɛ kaclara. Ŋa wí bi go wa na nî ge, domi nà mi ko wa wi nî kpo ge, ki woo pɔɔ da pibi fafaʔa seri. Mɛjɛn yòo gban bì yraʔa kà hanri yè yɛ na kruʔu ma ge.

Ye kò wa na nî. Mì fanna, pa mi go wa ye ni. Kaclaʔa nàʔa ko kì yɛ ge, kòo gban bì sɛ kí po ki ìn bwɔ wa tino na we. Kí nyɛ ban kpo yèé ní be. Yòo gban bì pibi sɛ yè yɛ ge, kí po ye ìn go wa mì ni we.

Nà ye ko wa na nî ge, na kayoro nà ti ko wa ye ni kpo ge, yraʔa o yraʔa ga kí bi ye glan ge, yeʔe nyɛ̀rí, pa yeʔe ta.

Yèé ban yé ma na fara ge. Mì wi mí ma ye fara ge mà ye tɛnŋɛ jango yee sye, ye yaa pibi ba seri pí bi go be bí pi nyiŋi han ge. Nàʔa po ban, yraʔa o yraʔa ga yé bi nyɛri To ma we na yele na le, pɔɔ ki kân ye ma.

Glanʔama mà wò wa adi ma mí bi gbɔʔɔ bi doro ma na me: Hɛn wi wì kân kùʔù ma ge wi nagroboo kan be.

Kaclaʔa ga kí bi bo ná na bí bo koò na seri ge, pɔɔ baʔa tɛ bìʔi laʔa wa. Ga kí bi da pibi seri ge, pɔɔ daʔa hanri bì daʔa yɛli, jango ki da seri ki toro kplɛʔɛ na ge.

Na funru kayoʔo kí ga: Ye da yè glanʔa nɛ pa yé na na glanʔa pomo ma na ge.

Nà ye pibi fafaʔa sɛ bí na To wi kpangbanma tyɛʔɛ me hɛɛn na be, pa ye bo na ploʔofɛɛ.

Mí nyɛ hrɛsɛn ticɛnŋɛ. Na To wɔ̀ɔ po ki falifɔlɔ.

Hɛn o hɛn ŋa wi ìn bi go wa domi ni we, pa pe ki woo yrigi bùu wa finmi na, nɛ pa kaclara da nyɛ toò na pibi seri ge, á pe ti wa finmi na, jango tí waʔa ge. Pé bi ba ti kpoʔolo bì ti wa kwɔʔɔ nî ti hògó.

Mí ma ki kaʔa gee yo ge ye kan, jango na lafiʔimi mi po ye ma, yèé yè lafiʔimi mi fùnŋù kpo.

Nà ye da na kayoro kpɔʔɔ de, paʔa bo mí na ye glanʔa nɛ pa mí na na To wi woro kpɔʔɔ de wɔ́ɔ na na glanʔa kpo ge.

Ga mí bi yo ye kan ge, kí ga: Ye da yè glanʔa.

Nà ye dí bo drunya wi woolo ge, ye dí bì da drunya hɛɛn glanʔa be ga na yé nyɛ pe woolo ge. Di pa mi da gâ ye fara naʔa drunya ni we, yoò nyɛ drunya wi woolo. Kiì kala na, drunya wí ma ye cɛ ge.