Popular Bible Verses from Mariki 14

Share

Wi maa jo: «Mii Tóow Abaa, keelaa faala ga mɔ jáa í, yagbaagi naa léeli mii na, kàjáa ki ga yɛlɛ mii nyɛ́nɛ kéeli í kpéʔele í, fwɔɔ mɔ nyɛ́nɛ wóli.»

Ki n yɛlɛ ye kòro nyɛ̀nɛ na yaa Kolocɔlɔɔ nyɛ́ɛri, koro ga pye yarigaa a kɔ́ yele kárima bi lége kapeele ni í. Ki láagi i nyɛ syɔɔn pili na, kàjáa wi céri fànʔa n cɛ́rɛ.»

Mii a gi joo yele ma kányɛʔɛ ni, syɛ́ɛnbèle ga ni Kolocɔlɔɔ Syɛɛnjóocǎnri nyuu dulunyanw ni tɛʔɛ o tɛʔɛ ni, gee céw naa kpéʔele lè, pe a wɔ́ɔ ra gi nyuu yaà, pe a fɛ̀ʔɛ wi na í.»

A wi be pye: «Mii fúngi n curugo mii na n sɔ̀lɔ, fwɔɔ n baa nan kùúw na. Ye kòro nɛɛ naa nyɛ̀nɛ na.»

Lǎli ni be pye lìíli na lè a Zyezu búruw láa níì bariga kaan Kolocɔlɔɔ ma, níì wi kabagi n lɛɛ be na níì jo: «Ye syɔɔ, wee naa wi nyɛ mii céri.»

Koro kàdoʔo ma a wi yagbaala láa níì bariga kaan Kolocɔlɔɔ ma, níì li kaan be ma, a pe myɛ gbaa li ni. Níì be pye: «Wee naa wi nyɛ mii sìsyaanw, joogaanni sìsyaan, wee wi a wo lè syɛ̀ɛnnɛ saʔa kéele na.

A Zyezu be pye: «Yele myɛ a mii cée, níì cán ki maa sɛ́bɛ níì jo: ‹Mii a bànaʔaw kpúmɔn kpóo, bǎbèle si càri.›

Ye yìri wo kári. Wéle, wee wi a mii cǒ kaan lè, wi n nùuni naa n kwɔ́ɔ.»

A Zyezu wi yari: «Mii a gi joo mɔ ma kányɛʔɛ ni, àlí yébiligi naa tiimaa ni sáni gòpɔ́seliw í nyɛni lè, siin wów í ba nyɛni, mɔ a mii cée tɔlɔyɔ taanri.»