Popular Bible Verses from Sélimɛ 39

Share

Yawe maa pye ní Zyozɛfu ní, a wi kérigèle myɛ i nyɔɔgi. A wi pye wi kàfɔw kpaʔa ni, wi lè Ezyipiti ye nǎnw.

A wi wi kɔlɔ̀ yáriri myɛ yaʔa Zyozɛfu kɔ́lɔ na. Wi da ní ni gi kàa faala kɔ̀rɔsíi í, fwɔɔ gee yagana woro a lìi lè. Zyozɛfu si maa tɔ̀nɔ n nyɔɔ gbanʔama cere na.

A kàsokpaagi kàfɔlɔ kàsolebèle myɛ yaʔa Zyozɛfu kɔ́lɔ na. Yariga o yariga ga naà kpéʔele yaà fwɔɔ gi sɔ̀lɔ Zyozɛfu ma gbɛnʔɛnɛ.

A wi be pye a be Zyozɛfu cò n sáà le kàsow ni, beè fànʔafɔw kàsolebéle da pye lè. A Zyozɛfu kòro yaà beè kàsow ni. A Yawe pye ní Zyozɛfu ní, níì kacànga kpéʔele wi na n gi yaʔa a wi kéeli kpɔ́ʔɔ kàsokpaagi kàfɔlɔ ma.

Kérigèle bee kàdoʔo ma, a wi kàfɔw cɔ́ɔ i wi wéle, ní kɔ́ɔ̀ wi pye: «Sínɛ ní mii ní.» A wi cée níì gi joo wi kàfɔw cɔ́ɔ ma níì wi pye: «Wéle, yáriree di naa lè kpáagi ni, mii kàfɔw o waari di tàa faala ni ní mii ní í, wi n ti myɛ kàlifáa mii ma. Wàa faala ga kpɔ́ʔɔ n sɔ̀lɔ mii na kpáagi naa ni í. Wi ga mii yérige yarigaa faala na í kapye mɔ nibin na ban í. Níì cán mɔ wi nyɛ wi céw. Mɛ̀ɛ́ si mii a gbǎn kapeegi naa félege kpéʔele bi kapeele pye nya Kolocɔlɔɔ na?»

Cangaa a Zyozɛfu jée kpáagi ni bi wi fáliw kpéʔele. Kpáagi falipyewaa faala si da pye yaà í. Lǎli bee ni a céw wi cò wi búrogi na níì wi pye: «Sínɛ ní mii ní.» A Zyozɛfu wi búrogi wòlo n yaʔa wi ma kɔ́gi ni níì fàn n yiri kàfugi na.