Popular Bible Verses from Yirile 32

Share

A syɛ́ɛnbèle ga gi nyaa Mowizi n mɔn sìndìgi ni nyanbelegi na, a be peyɛɛ gbóʔoro n kári Aarɔn ma n sáà wi pye: «Yìri mi kolocɔlɔbèlē sámaga wolo ma, bele bee í da kínigi wolo yɛ́ɛgi na. Níì cán nǎnw bee wi lè Mowizi, woro wee wi wolo yirige Ezyipiti tári ni lè, gee gi wi taa lè yoo, wolo ga gi cán í.»

A Yawe Mowizi pye: «Tìgi maa syée, níì cán mɔ syɛ́ɛnbèle bele mɔ yirige Ezyipiti tári ni lè, pe n peyɛɛ gálagi. Kólogee kéele mii da joo n gbàn be ma lè, pe n wàli kelekele n yiri gi ni. Pe n náapiige sámaga ní tɛɛ̀ ní, wee be gbàla lè, ní i gi kpɔ̀ʔɔrɔ́ níì sáriga wòlo gi ma, ní i gi nyuu níì jo: ‹Isirayɛli, mɔ kolocɔlɔw wéle wee, woro wee wi mɔ yirige lè Ezyipiti tári ni.› »

Lǎli ni Aarɔn gee bee nyaa lè, a wi fala n sáriga-wòlo-yafanʔa faan ki yɛʔɛ̀ ma níì yákpoli wáa n gi joo níì jo: «Nyɛ̀ʔɛna a pye fɛ́tii canʔa Yawe kpɔ̀ʔɔrɔli kéele na.» A ki ga pye nyǐndaligi na, a be sɔ̀li n yìri n sáriga-sórigoo wòlo ní wɔ́ɔ̀ pínɛnyɛnnɛgɛ sáriga wòlo. A syɛ́ɛnbèle tɛ́ɛn bi lìi si gbaa. Koro kàdoʔo ma a be yìri bàā kɔ̀nʔɔ́.

Koro nyǐndaligi na, a Mowizi gi joo syɛ́ɛnbèle ma níì jo: «Yele n tɔ̀nɔ n kapeekpɔʔɔ kpéʔele. Mii si a lúgu tɔ́ɔliw ni bi kári Yawe ma, dɔ̀ʔɔ́ mii a sa gbǎn yele kapeeli kùsulugo nyɛ́ɛri taa.»