Popular Bible Verses from Yirile 10

Share

A Yawe gi joo Mowizi ma níì wi pye: «Da syée Faraɔnw ma, níì cán mii wi wi fúngi, ní wi falipyebèle fúnyo gbàn, koro ga pye bi mii fɛ̀ɛ́bèle kpéʔele pe níngi ni, jàngó mɔ í gbǎn kɔ́ ba ra gi nyuu da tèé mɔ piibèle, ní mɔ piibèle pìibēle na pe gi cán gee mii kpéʔele Ezyipiti ye na lè, ní fɛ̀ɛ́bèle mii kpéʔele be tári ni lè. Gee bee a gi kaan yele í gi cán bi cán mii wi nyɛ Yawe.»

A Yawe gi joo Mowizi ma níì wi pye: «Mɔ kɔ́gi yìrige ǹjogi ni jàngó yébiliwɔɔlɔ í pye Ezyipiti tári ni, li pye yébiliwɔɔlɔ, lee na syɔɔn a gbǎn tánga lè.» A Mowizi wi kɔ́gi yìrige ǹjogi ni, a yébiliwɔɔlɔ jée Ezyipiti tári myɛ ni, lee li sámaga n wɔ́ɔ lè. A yébiliwɔɔli bee kwɔ́ɔ canya taanri. Wàa da ni wàa nyaagi í. Wàa ga wɔ́ɔ̀ yìri wi tɛʔɛ ni n kári tɛɛgaa ni cányi taanri fúngo ni í. Kàjáa gbɛ̀ɛnmi maa pye Isirayɛli ye myɛ ma be tɛɛkòrogi ni.

A Mowizi wi kàgbeeli yìrige Ezyipiti tári ǹjoʔo ni. A Yawe káfalaga yaʔa a gi yìri canʔafolomɔ ma ni funu tári ni, cángi bee myɛ ni, ní yébiligi myɛ ni. A ki ga pye nyǐndaligi na, a canʔafolomɔ káfalagi pan ní kúdow ní. A kúdow jée Ezyipiti tári myɛ ni, níì tìgi n tɛ́ɛn tásaligi myɛ na. Wi maa tɔ̀nɔ n pee gbanʔama. Kúdow bee félege da kɔ́ɔ̀ pan í. Wi felege si a ní wɔ́ɔ pan í.