Popular Bible Verses from MATHIE 18

Share

Átɛsalé mɛn hɛ́n hrómɛn, ási khɛ́n lephan mɔn le bhwaliá ɔ́nmɔn bhúrɛhɛ́n, mɛn ma wo thethé.

Mímí mɛn cu mɛɛ́n kranmán hɔ́n salé, áthéji krɛn, kasé lephan mɔn mɛ́n si, khɛ́n yankanla hromɛn wo ébhi yíbɛn mɛn Nthe abha tho yé, lóyí tɛɛ wo ébhi ɔn, ánman sé nkɔn.

Lótɛ Jezwi che yípɔ bhri bɛn bha, ńhɔn nkɛ ya wo hɛ́nmɛn ló ántɔ sa: – Mímí mɛɛ́n kranmán hɔ́n: kasé ɔ́n ne jrɛn hɔ́n yítɛ́ khɛ́n ɔ́n tɛ́sa ńmiɔ́ chɛ́-nchɛ́, ɔ́n ma le ká Átho Bhringbi khúbhɛ́.

Lephan khɛ́n ahɔn mɛ́n nbrɛn bhathé, khɛ́n atɛsa yípɔ bhri lókɔn ɔn, mɛ́n nɔn ńni lephan khó Átho Bhringbi khúbhɛ́.

Ló mɛn hɛ́nthé, lephan khɛ́n ábha do yípɔ bhri bɛn atɛsa yípɔ lókɔn, átɛsa mɛɛn bɛn nbrɛn nɔn ńdo mɛn.

– Mímí mɛɛ́n kranmán hɔ́n: áyí khúnbrɛn tɛɛ ɔ́n dibi áthéji, átho lɔ wo bhá díbi. Áyí khɛ́n ɔ́n ma sé mɔ́nsi áthéji, átho lɔ wo bhá sé mɔ́nsi.

Ló Jezwi tɔ sa; – Lephan, kasé ɛlé yɔ́ bhwe phɔ́ hɛ hɔnsɛ́n hɛ thɛ́n khúnbrɛn mɛn, lóyí mɛn Nthe abha tho bha tɛ́ hɔ́n nɔn ali lókɔn.

– Ńmiɔ́ chɛ́-nchɛ́ lókɔn khɛ́n ebhú mɛn mímí, lephan khɛ́n ábha khrɛ brɛ hálé ńne hrómɛn ɔn, lephan lókɔn, áyɔn salé ohɔ́n ábhú khóo bɛn di mɛ́n bhwa, ló ohɔ́n-ɛn fɔ́nká gwe thé.

Ló thénthé, bí hɛ́nphe nɔn hɔ́n ebhú ɛ? Kasé lephan bɛn pɛ gbankhran ya brɛ, khɛ́n brɛ lia wo hromɛn ɔn, wú anman nɛ́n yɔ́ krɛnnɛ́n mɔ-bhwelí le áwɔ́-bhrɔ ɔ́nmɔn khwá bhóbhó tho, ló anno nɛn lóbrɛ lókɔn alia má?