Popular Bible Verses from Genesis 13

Share

Oj ka'wi spetsanil ja lu'um b'a janek' oj ja laj sk'eljeli. B'a spetsanil k'ak'u a b'aj we'n sok wa wintil jumasa.

Tsa'an yajni spilata sb'aj ja Abram sok ja Loti, ti alji yab' yuj ja Dyosi: —Abram, man b'a tek'ana ek'i, lika wa olomi, k'ela b'a k'e'el k'inal sok b'a ko'el k'inali, b'a stojol wax jak ja k'ak'u sok b'a wax mukxi.

Cho jach'ni jel oj ka pojxuk wa wintil jumasa. Jach' jastal mi ma' oj b'ob' yajtab'en ja sts'ub'il ja lu'umi, jach' mi ma' oj b'ob' yajtab'en wa wintil jumasa.

ja'yuj ja Abrami, ti yal yab' ja Loti: —Ja we'n sok ja ke'n mi sb'ejuk oj k'e'kotik ab'al k'umal, jach'ni ja jtalna chej sok wa b'aj jumasa, jmoj alijel jb'ajtik soke.

Ja'yuj ja Abrami, stulu ja yal snaj sk'u'lunej sok k'u'utsi, ti waj kulan b'a Hebron b'a it tey sok lajan ja Mamre, ja tiwi, stojb'es jun altar b'a oj stoy ja Dyosi.

Jaxa Loti, ti sk'ela sjoyanal b'a tek'ani, ti yila ja loman yaman jumasa b'a niwan ja' Jordan yuj ja mix tup ja ya'leli. Ja k'ak'u mito sch'aka ja Dyos ja Sodoma sok ja Gomorra, spetsanil ja loman yaman jumasa jawi, man b'a chonab' Soar jel tsamal ja lu'umi, jach' jastal yaljil tek'ul b'a Eden, sok jel lek jach' jastal ja lu'um b'a Egipto.