Popular Bible Verses from Juan 14

Share

Tyam ntukmëwë'ëmtë ja jotkujk'ajtën. Nmooytyëp miits ja jotkujk'ajtën, je'eyëp ko ka'ap yë'ëjëty jëtu'unpë mëti'ipë yajktëpën yë naaxwiinyëtë ja'ay. Këtii mmaytyëty mtajtëty ets këtii mtsë'ëkëtëty.

Ënet ja Jesús y'ëtsoowë: Ëjts jëtu'un tu'u'ajtp, ja tëyajtën ets ja juukyajtën. Ëjtskyëjxm je'eyë tjëkyepy pën jya'tëty ma ja Dios Teetyën.

Këtii mjotmay'ooktëty, mëpëktë ja Dios Teety ets mëpëjktëk ëjts näjyëtu'un.

e ja nikajpxtutpë, ja Kënu'kxymyëkajtën mëti'ipë ja Dios Teety kyäxäämpyën ëjts nxëëwkyëjxmës, yë'ë mtuk'ëwaanëjanëtëp tu'kë'ëyë winë ets xyjyä'ämyätstëty wi'ixjaty miits të nëëmëtën.

Pën kyupëjkpy ja n'ënä'ämënës ets pyatuumpy, yë'ë yajnikëxë'kpy koos xytsyoky, ets pën xytsyojkpës, tsokanëp ja nTeetyës ets ntsokäämpyës näjyëtu'un ets nnänyikëxë'ëkanëp ëjts ma yë'ëjën.

Ets n'amëtowëpës ja Dios Teety ets tkäxëty ma miitsëtyën ja wiinkpë ja nikajpxtutpë; jä'ä jëtu'un ja Kënu'kxymyëkajtën tëyajtënpë, xëmëpë yajpaata'anyën mëët miitsëty. Mëti'ipë yi'iyë myëmaay myëtajtëpën ja naaxwiinypë ka'ap t'ëxajëja'antë, jä'ä ko ka'ap t'ixtë ets ka'ap t'ixy'atë; e miitsëty m'ixy'ajtëp, jä'ä ko yë'ë yajpaaty mëët miitsëty ets xëmë yajpaata'any ma miitsëtyën.

Ets tu'kë'ëyë mëti'ipë miits m'amëtoowtëpën ëjts nxëëwkyëjxmës, ntunäämpyës, ets mëët ja Dios U'unk yaj'ixëty ja Dios Teety ja myëj'ajt jyääntyajtën. Ntunëpës mëti'ipë m'amëtoowtëpën ëjtskyëjxm.

Pën xytsyojktëpës miits, mpatuntëp ja n'ënä'ämënës.

Maas ja nteetyën, may ja tsënaaytyakn jap. Ko jeexyë kyajëtu'unëty, ka'ap jeexyë nëkoo yam jëtu'un nëëmëtë koos nëjkx nipëjktaakëja'any ja tsënaaytyakn ma m'itëtyën.

Ets koos nnëjkxëty ets nipëjktaakëja'anyës miits ja m'ijtaknëty, minaanpës jatëkok ets nyajtsoona'antë, jëtu'un miits nän jap myajpaatëty ma ëjtsën.

Ënet ja Tomás t'ënëmaay ja Jesús: Wintsën, ka'apës nijawëtë maa mijts mnëjkxy, ¿Wi'ixës nnijawëty ja tu'u?