Popular Bible Verses from Matheyo 19

Share

Yeesu aahaaweha yaawo ni aawaakhula: “Wa mutthu khoongwereya, mene wa Muluku itthu sootheene sinoowereya.”

Hiiho, khaakhanle eeli, mene vekhaikhai erutthu emoha paahi. Tivawo, yaawo Muluku aakhalinghaawe vamoha, mutthu ahaamwalanyihe!”

Owo aawaakhula: “Nyuwo khamusomme weera ompacereroni, Mpattuxa aampaka mulopwana ni muthiyana? Owo eenre: ‘Tivawo, mulopwana anaahiye atithawe ni amayawe, ni anaakhale vamoha ni mwaarawe, ni ooweeli eniikhale erutthu emoha.’

Yeesu aaweerela: “Mwaahiye anamwane awo erwe wa Miyo ni muhiwooceelihe, niwoko omwene wa wiirimu ti wawaya yaawo anlikana ntoko ala.”

Wa soothesene, ancipale oopacera eniikhale oomalihera ni ancipale oomalihera, eniikhale oopacera.”

Ni ootheene ahiyale impasaya, axunnaya, axirokoraya, asitithaya, asimayaya, anamwanaaya, hoye hoye imattasaya niwoko na Nsinanaka, eniyaakhele seiyo imaara ncira, ni eniiphwanyetho okumi woohimala.

Yeesu aamwaakhula: “Mwatthuna okhala ookwanela, murowe, mwathumihe sooreelasanyu ni mwaavahe oohaawa, ni mmwikhaleno etthu yooreeraxa wiirimu. Vahoolowaya, ngwe ni mukitthare.”

Yeesu aamwaakhula: “Heeni munkikohaanyu ya yooreera? Ori mmoha paahi ooreera. Mwatthuna ovolowa mookumini woohimala, mwiiwelele malamulo.”

Ni kinooleelanitho: ti wookhweiya ekamelu* ovolowa vamwiitheni wa singano, ohikhanle namapuha ovolowa moomweneni wa wiirimu.”

Miyo kinooleelani weera khula mulopwana ommwalana ni mwaariye, ohikhanle mwaha wa oraruwa, anamuthela muthiyana mukina, onooraruwano.”

Vano Yeesu aaweerela oohusera: “Miyo kinooleelani ekhaikhai: ti woorika namapuha ovolowa moomweneni wa wiirimu.