Popular Bible Verses from Matheyo 18

Share

Vano, weiwo anthukumanaayawo eeli, naari araru mwa Nsinanaka, vawo Miyo kiri variyariwaya.”

Ni kinooleelanitho weera, eeli a nyuwo yaakhulela vathi mwaha wa wakhalaru mulattu muneeraanyu muvekele, yeeyo Atithaka ari wiirimu anoowaakhulani.

Amwiitthanaka mwaana mmoha, aamwiikaathi variyariwaya eeraka: “Miyo kinoororomelihani weera nyuwo muhiiceendye ni muhiitatunxe ntoko anamwane, vekhaikhai khamumvolowa moomweneni wa wiirimu.

Tivawo, yoowo oniiyeviha ntoko mwaana ola, owo ti mutokweene moomweneni wa wiirimu.

Yoowo onimwaakhela mmoha a anamwane ala, onkaakhelatho Miyo.

Kinooleelani ni ekhaikhai: sootheene muntthukaanyu vathi, sinootthukiwatho wiirimu, ni sootheene munghulaanyu vathi, nsihuliwetho wiirimu.

Hiihotho animoopakani Atithaka ari wiirimu nyuwo ootheene mwaahimulevelela munninyu ni murima wootheene.”

Mukinatho amutthekiha mmoha a anamwane ala ankiroromela Miyo, waari fataari omutthukelela nxilo muxiko ni ovonyeriwa mphareiyani moowiixa!

Munuupuwela hai? Mukina akhalanneene ikhondoolo ncira, ni emoha ya seiyo enathweelela, khanghiya toko miloko mithannamixexe niithaniixexe omwaako, arowaka waasa yeeyo ethweelenle?