Popular Bible Verses from Matheyo 10

Share

Miyo kinoorumihani ntoko ikhondoolo variyari wa miici. Tivawo, mukhale ni miruku ntoko inowa, ni oohikhalano milattu ntoko ikhunda.

Yoowo onthokorora okumaawe, anaarihe yoowo, mene yoowo onriha okumaawe niwoko na Miyo, anaaphwanye yoowo.

Muhiwoove yaawo aniiva erutthu, mene ehiweraka wiiva munepa. Mmoove toko Yoowo ongwera ophwata erutthu ni munepa mmooroni.

Yoowo ohinkuxa muttandaawe ni ohinkitthara Miyo, khakiphwanenle Miyo.

Yoowo onkilapa Miyo variyari wa atthu, Miyo nkimuromoletho yoowo ohoolo wa Atithaka ari wiirimu. Vaheera yoowo onkikhootta Miyo variyari wa atthu, Miyo nkimukhoottetho ohoolo wa Atithaka ari wiirimu.

Mwaalamihe aretta, mwaavenyererihe akhwiiye, mwaalamihe anamakokho, moomole minepa soonanara. Nyuwo mohaakhela ya mahala, vano muvahetho ya mahala.

Vano, muhiwoove; nyuwo muri ootthuneyaxa opwaha masiri mancipale!

Muhuupuwele weera kirweenle oruuha murettele vathi. Nkirweenle oruuha murettele, mene ekatana.