Popular Bible Verses from Luuka 6

Share

Muvahe, ni mmwivahiwe. Aani, muringo wooreera: wookhitteleiya, woosareyaxa mpaka oyeeheiya. Vano, muringo munringelaanyu, mmwiringeliwetho.”

Mutthu ooreera onkhumiha itthu sooreera siri mmuhakhuni wooreera ori mmurimanimwawe, ni mutthu oonanara onkhumiha itthu soonanara siri mmuhakhuni woonanara ori mmurimanimwawe. Vano, eyanowaawe enuuluma yeeyo esareiye mmurimanimwawe.

Mwaasivele amwiittanaanyu, mwaapakele yooreera ni ngwoolihe yaawo muhiwehereraka waakhela naari etthu yoohokoloxeriwa. Vano, ntthuvelonanyu nnikhale ntokotoko, ni mmwikhale anamwane a Musulusulu niwoko Owo ti ooreera murima wa yaale oohitthapela ni oonanara.

Mmoriwe ikharari ntoko Atithinyu ammoriwaaya ikharari.

Muhithorihe, ni khamurwa muthorihiwa. Muhithoriheleke mmooroni, ni khamurwa muthoriheleliwa mmooroni. Mulevelele, ni mmwileveleliwe.

Vano Miyo kinooleelani nyuwo munkiiwa: mwaasivele amwiittanaanyu, ni mwaapakele yooreera yaale anoothanyani. Mwaareelihe yaawo anoolaphani, ni mwaavekelele yaale anoohasulani.

Mwaapakele akina yeeyo nyuwo muntthunaanyu weera yoopakeleni.

Mukina oomanani nrama nimoha, mumvaheketho nrama nikina. Mukina oorulani malayaanyu, muhimukhoottihere yoowo onoorulanitho mukaandyo. Mwaavahe ootheene anoovekelani, ni mukina oneera akuxe yeeyo eri yawinyu, muhinnyeserere woohokoloxerani.

Khoowowo mwiri wooreera oniima soowiima soonanara, ni khoowowo woonanara oniima soowiima sooreera.

Nyiri sootheene sinsuwanyeya ni soowiimasaya. Khaawo anrukula ifiigu sa nyiiwa, hata iwuuva* sa nyiri sa nyiiwa.