Popular Bible Verses from Yohaane 16

Share

Miyo kooleenleni itthu iya weera mukhalane murettele mwa Miyo. Mweelaponimu mmwikhaleno soohooxa, wa soothesene, mulipihere murima. Miyo koowina elapo ya vathi.”

Vano, waarwaaka Munepa wa ekhaikhai, Owo onuuweettiheni mweekhaikhaiyini yootheene. Khoorwa wuuluma yawayaru, oniwuulume paahi yeeyo oneeraaya wiiwe ni oniwoolaleereni seiyo sineera sirwe.

Mpaka vano nlelo khamunaaye ovekela etthu mwa Nsinanaka. Muvekele ni mmwaakhele weera ohakalalawanyu okhale wookwanela.

Vano Miyo kinooleelani ekhaikhai weera ti wa mpuhaanyu Miyo kinrowaaka. Miyo kaahirowa, Namalaka kharwa ooweelani. Vano Miyo karowa, nkoorumiheleni Namalaka. Owo aarwaaka, anaaviriyele elapo ya vathi mwaha wa soottheka, moota woowaakhuleliwa ni Muluku ni wa nthorihelo.

Enkhumelela hiihotho ni nyuwo: vano eri ehuhu yoothanana wa nyuwo, mene Miyo nkiwooneeni emaara ekina, ni nyuwo mmwihakalale ni khaawo aneera avenxe ohakalala iwo. Nihuku nenenenno, nyuwo khamurwa mukikohatho naari etthu. Miyo kinoororomelihani weera Atithaka eniyoovaheeni sootheene muneeraanyu muvekele mwa Nsinanaka.

Kinooleelani vekhaikhai weera nyuwo mmwiinle ni mmwilalamike elapo ya vathitho eniihakalale. Nyuwo mmwithanane, mene othananawanyu onuutatuxiwe ohakalala.