Popular Bible Verses from Arumi 5

Share

Ëgweeso Muungu waraghëëre daaji mwino uguyanjëte, gusoko itungo nënaa ëkëë gwanyamahutye, Kiristo agakuya gusoko itu.

Ihaghamëyo rasëë rëtiudaha ugukhonga, gusoko Muungu wadahie ukununtëa munkhoo yitu uyanjo wakwe gwa njëa a Mwahu Mweru nëwagufee.

Nhaa, tiuvii gutufu, ëgweeso guyanjëtë noo mu malwe itu gwa umanya mwino malwe ëgweetaa ughimu, weeso ughimu ugweetaa ukhamu na ukhamu ugweetaa ihaghamëyo.

Itungwee, gusoko gwatëndiwe gwanyatutë usonge akwe Muungu gwa uhuvëi, uvii gwina majëghana na Muungu gwa njëa a Müküü witu Yesu Kiristo. Gusoko a mweeso gwa njëa a uhuvëi gwamëhangie mboto ëyëë në chuu gwimëkie mukhatë ayo, na uyanja mu ndolyo a uküü wa Muungu.

Nënaa ëkëë gwalegheku, itungo nëna ranoneya, Kiristo agakuya gusoko a antu nëabe.

Gusoko itungwee gwatendiwe guyanjëke usonge akwe Muungu gwa saghami amwa Kiristo, nanguu ukëra gujie utyowa na mweeso mwikuwo ra Muungu.

Gusoko mwino gwa utenda ihutye muntu umwedu antu vingë vëgatendeka anyamahutye, uvii uvii gwa tutë a muntu umwedu antu vingë vëgatendeka anya tutë.

Mbesa ti uvii gutufu, ëgweeso guyanjëte noo mwino Muungu gwa njëa a Müküü witu Yesu Kiristo, itungwee gwahangie ukhuvëi.