Popular Bible Verses from Matyê 14

Share

Lə́, ə́ njwó kəfwor pə̂ ncʉ̂ʼ yʉʼ gháʼate, a pôghʼ, ə́ njí lə̂ miʼí cər nci, ə́ ncʉ́ʼ nkə́ ngeʼtə́ ngô: «Ə́ Nde, n nkwʉ̌ yé!» Yěso tôghʼ ncághʼə́ pô yé, ə́ nzə yé, ə́ ndáʼ lə́ zʉ́ ngô: «Pyêh, pə̂i-ntə̂ʉ zô khwôghʼ! O mʉŋtə́ ńté hó?»

Lə́, ə́ njwó kəfwor pə̂ ncʉ̂ʼ yʉʼ gháʼate, a pôghʼ, ə́ njí lə̂ miʼí cər nci, ə́ ncʉ́ʼ nkə́ ngeʼtə́ ngô: «Ə́ Nde, n nkwʉ̌ yé!»

Lə́ Yěso lêi-lěi ndáʼ lə́ páp ngô: «Pei pwórə́ nyáŋ, ə̂ məŋ, koo pei kə̂ mbóghʼ.»

Pyêh cʉ̂ʼ nkə́ ndâʼ lə́ zʉ́ ngô: «Ə Nde, ə́ lə̌i mbə́ tû-mbəʉ zô, o ghʉ̂ məŋ ŋə̂i zâa ndəu nci, ə́ ntó ḿbə́utə́ ghô.» Yěso lâʼ lə́ zʉ́ ngô: «Tó!» Pyêh kwâr cər kənyúʼ, ə́ mə́ ŋə̂i ndəu nci lə̂ ngwó mbəutə́ yé.

Pye pi gháp pə́ cər kənyúʼ kʉ̂ʼtə mbi Yěso, ə́ ndáʼ ngô: «Ə̂ kwaʼ lə́nə́ʉ, ô Môu Sê.»

Yěso pwôr lə́ páp ngô: «kâa pə́ ńgó gháp wǒ có yʉʼ, ə́ lǒu zə̂u ə́ zʉ́. Kwaʼ pei lə̂ wo ŋə́ zə̂u gháp zʉ́.» Gháp pwor lə́ zʉ́ ngô: «Paghʼ ghwo pə̂ ndaʼ mbələ̂ghʼ ntâʼ taa yaʼa gháʼá, ə́ ngʉ̌ shû ntâʼ pwô.»

Yěso lâʼ lə́ páp ngô: «Pei lâghʼ ńtó, ə́ ŋə́ lə́ məŋ yaʼa gháʼá,» ə́ ndǎʼ yə́rə́, ə́ ndáʼ lə̂ lâʼ ńgó gháp nə̂ʉ ləghěi ńnyáŋtə́ mə̂u. Ə́ ndǎʼ yə́rə́, ə́ mbyé mbələ̂ghʼ wêi ntâʼ taa, gháp pə shû zêi ntâʼ pwô, ə́ mbəʼə́ tû yé ńnáŋ tʉ́, ə́ ŋə́ nkhwo mbó Sê, ə́ mbwóʼtə́ ńŋə́ lə̂ ngaŋə-jyêʼ-no* yé, gháp ghaptə lə̂ lâʼ.

Ə lâʼ pfâr, ə́ njwə́r. Pə́ kəitə məpfuʼ měi, ə́ lóghʼə pətyép ntsap pwô lə̂ ləghə̂m.