Popular Bible Verses from Matyê 13

Share

Mbi zə̂u yi pfǔŋ lə̂ ndesé shʉʼʉ laghʼ ḿbə̂ pye pi gháp zûʼ tsâr Sê, ə́ ngwǒ tə ə́ təi. Gháp pə́ ghíʼ məcʉ́ŋə́ zə̂u mi məcó ghí ŋə́ məmbəm nkʉ, məcó ŋə̂ mə̂m-ntoghʼó, məcó ŋə̂ mə̂m-tárə́.»

Mbi zə̂u yi pfǔŋ cər mə́kǎp-kǎp, laghʼ ḿbə̂ pye pi gháp zûʼ tsâr Sê, ə́ nyáŋ tə njí lə̂ fʉ̂ məno nzʉ̂, ə́ njǐ lə̂ ncóghʼ məntə̂ʉ máp lə̂ nkâp. Mêi mə̂ məzə̂u ghʉ tsâr Sê me məntə̂ʉ páp tə́ zə́m ntǎa.

Ə nkaŋ laŋə́ yi məcó məmbəm pfûŋtə wó, ə̂ pye pi gháp zûʼ no Ləfou Sê*, káa tsúŋú zûʼ gháp. Sə́tə tô, ə́ fú cər ntə̂ʉ páp nkwárə́.

Ə yʉʼ məghǒ pə̂ pye pi gháp zûʼ no Sê, ə́ fátə́ mbə́i lə̂ lətsei, lə́ káa nyêr gháp ə̂ lâr məŋaŋə məntə̂ʉ páp, ńté no gháp lěi tə nzúʼ tsâr Sê, káa ghwo gháp tə ə̂ cí. Pə́ lêi tə ńjí lə̂ ntyê gháp, ə́ nyárə́ gháp ngwôʼ ńté zěi, gháp kə̂ tôghʼ mêʼ.

Yěso kə̂ ncí ndâʼ ngô: «Ə no Ləfou Sê* nkə́ ncí ḿbə́ pə́ ghíʼ có zə̂u lətəi-ndwuŋ yi ə́ lwǒ cər có nkâʼ, ŋuu lei tə njwó, ə́ ntsuŋú ndoʼó, ə́ ndǎghʼ lətsei, ə́ nkhʉtə́ ńgwó fə̂i məzə̂u mé mə́tsəm, ə́ ndǎghʼ nkâp zěi ńtó ńzə́u wêi nkâʼ.

Məcó məmbəm pfûŋtə lə̂ yʉʼ ndesé shʉʼʉ, ə́ sáʼ, ə́ ngúʼ, ə́ nzə́m. Có ləcʉŋə́ ghi ŋə́ məmbəm nkʉ, có ŋə̂ məmbəm mə̂m-ntoghʼó, có ŋə̂ yé pə̂ məmbəm mə̂m-tárə́.»

Pei nyér, gháp pə məzə̂u shʉʼʉ nâa ngúʼ tə nkə́u mpfu mbyě məzʉ̂. Ə́ táa pə́ mpfu wêi, məŋ ndáʼ lə́ pəpyě məzʉ̂ ńgó gháp tsəmbi ntsóʼtə́ məzə̂u tə́poŋ, ə́ nkə́tə́ lə̂ məkaʼá ghíʼ pə́ wo tǒu mǒghʼ, ə́ ngwó lə̂ məzə̂u shʉʼʉ, gháp lôghʼ ńcóghʼ cər nkəi zâa.”»