Popular Bible Verses from Lúʼkáasʉ 7

Share

Ə̂ zə̂u yi ə́ ghʉ̌, n ndâʼ ghô ńgó məngyě wo nyárə yo mbə̂u nkoŋə gháʼá ńté no pə́ lyəghʼə məfaa ye tsəm. Lə́ ŋuu yi pə́ lyəghʼə́ ye məfaa pə́ məyʉʼ, â ŋuu yi a kə̌ nyarə́ yé koŋə pə́ məyʉʼ.» Yěso pôu ndâʼ lə́ məngyě wêi ngô: «Pə́ lyəghʼə məfaa gho ntsəm.»

Lə́ a lâʼ lə́ məngyě wêi ngô: «Pə̂i-ntə̂ʉ zô ghʉ o cwôr: Lər gho lə̂ mbwórə!»

ńkə́u ndə̂, ə́ ntə́ʉ nzəm Yěso mbəʉ məku mé, ə́ ntsə́rə́ tə ńdághʼ nci nyôghʼ mé ńtsə̌p məku Yěso, ə́ mbou ndághʼ mənyuŋu tû mé ńzâghʼ, ə́ shítə́ məku mé, ə́ ndǎghʼ lamə́ndaa zêi ńzóʼ.

Ə̂ zə̂u yi ə́ yǎa ngʉ̌ kâa n nkûʼ ghâa lə̂ ntó pə́ məŋ njwó ghô; lə́, lǎʼ tâʼ no môʼ ngaŋə-faʼ ghâa shwítə́! Məŋ ndaʼ yə́rə́ gháʼá ńté ńgó məŋ yi n nzûʼ mbó ŋuu njwǐ, n ngwô pəsóghəi nzəm məŋ. N ndə̌i ndâʼ lə̂ cǒ tâʼ ngô: “Lər!” a lər; n ndǎʼ lə̂ cǒ ngô: “Tô!” a tô. Ə́ mbóu ndǎʼ lə́ ngaŋə-faʼ ghâa ngô: “Ghʉ̌ ńgó kə́!” a ghʉ̂.» Yěso lə zûʼ mêi mətsâr, ə́ kəʼə yé, a shə́rə ńnáŋtə́ lâʼ yi ə́ pə́ nzəm zʉ́, ə́ ndǎʼ ngô: «Məŋ ndâʼ wéi: Tə mbaa pə́ cər ngoŋ Ísə́lahêl, n nkə́ jwó ghâa có pə̂i-ntə̂ʉ yi ə́ ghúʼ gháʼa.»

Yěso kə̂ ntə́ʉ pə́ mbi páp ə́ ngʉ́ pəghou tə nzáa shwítə, məlǒʼ máp mê, ə́ nzǔŋ məzəghʼə tə́poŋ lə́ pye, ə́ ngʉ̌ pəfwoghʼ-mə́nyôghʼ jwô yʉʼ. A pwôr lə́ ngaŋə-ntə̂u Jâŋ Mbaptísʉ ngô: «Pei wó mbyétə́ ńdáʼ Jâŋ Mbaptísʉ zə̂u yi pei jwǒ mbou nzúʼ: Pəfwoghʼ-mə́nyôghʼ pə́ njwô yʉʼ, pəkə́niʼí-ku pə̂ ŋə̂i shʉʼʉ, pəghaŋə tsóʼ-páp pə̂ shwítə́, pəkʉʉ-tû pə̂ nzûʼ yʉʼ, pəpfû pə̂ nzʉ́ʉ, pəpûŋ pə̂ nzûʼ Nkəʉ Shʉʼʉ.»