Popular Bible Verses from Magə 9

Share

Yeso a sóŋ ńgə́, “Gho ə́sóŋə a pə́ ńgə́ təmbɔʼ maŋ chî təmbɔʼ maŋ ghɛlə̂ anu yətsə́?” Mbɔʼə anu yətsə́ a kě ŋwu páʼə a túg nə́ mbimə́ tsɛ pô.

Tǎ pə mɔ́ wə̂ a tɔ́g ńkyéŋ ńgə́, “Maŋ túg mbimə́ ə́ pə́ ńkə́gə; kwáalə mə ḿbeg mbimə́ mə.”

Əghâ ándó Yeso a nə mbɨ nə ńtíʼ ńkwúnə á ndɛ̂, ngaŋə́zoŋə́ndzəm əjí ə́ pítə yə́ a ndzəmə ndzəm ńgə́, “Mbɔʼ pəg pěʼ ńkě kəm lə́ ńté akə̂?” Yeso a kwěe ńgə́, “Mbɔʼ lə́ fóg tsɔʼə achaʼtə́sê ə́fóg ndzaŋ zəənə́.”

Ngwáŋ mə́ pɔŋə̂, lə́ mbɔʼ mə́ chî ə́ pɛ́lə ləəmə̂ pô, nə́ ghɛd ə́lɛ́ mə́ pɔŋə̂ pɨ ləəmə̂? Túg nə́ ngwáŋə á mə́m pɨ ńjî ńgə́ mbwɔ́dnə ə́ chîə á tətɨ pəənə́.”

“Ŋwu ntsəm páʼə a kwá nə́ táʼ mɔ́ kə́nyaŋ mɔ́ nə́ yitsə̌ nə́ əlɛ́nə mə, a kwá lə́ mə; Ŋwu ntsəm páʼə a kə́ nə́ ńkwáalə mə, a kě lə́ mə kwá pô, ḿbə́ ńkwá lə́ ŋwu páʼə a tú nə́ mə.”

Mäŋ fiʼtə̂ áwɨ́ nə́ ndə̌ŋdəŋ ńgə́, ŋwu ntsəm páʼə a fɛ̂ nə́ ndɔ́ŋ nkǐə á mbô pɨ nə́ əlɛ́nə mə ńté ńgə́ pɨ lə́ ngaŋə́zoŋə́ndzəm mə, a yǒ kě ntsɔ́ʼəfaʼ əjǐ póŋ pô.”

Mbɔʼ ŋwu tsə̌ a ghɛd táʼ mɔ́ nə́ yitsə̌ páʼə a pí nə́ nə́ maŋ a ghɛlə̂ təpɔŋ, tə ḿbə́ a pěʼ ḿbɔŋ ńgə́ mbɔʼ pə pěʼ ńkwúlə mɛ́ tə́kɔʼ ngɔʼə aghɔʼə́péenə á ndě yí ḿmaʼə̂ á mə́m tə́kɔʼ nkǐə.

Təmbɔʼ nələ́g zô nə́ kə́ ńgɛd ńgə́ gho ghɛlə̂ təpɔŋ, fwɔŋə̂ ájɨ́d ḿmyaʼ ńté ńgə́ á pɔŋə̂ á mə́ kwú nə́ á mə́mə Anuə Nəfoonə Əsê nə́ táʼ nələ́g ńtsɛɛlə̂ á mə́ túg nə́ əmə́g mə́ mbɛ̌ pə pə́ ḿmaʼə̂ gho á mə́m móg Satanə.