Popular Bible Verses from Magə 10

Share

A lǒo Mɔ́ Ŋwu, a nə ńkě yǐ lə́ ńgə́ pə faʼə̂ á mbô yí pô, ə́ ḿbə́ ńgyǐ lə́ á mə́ faʼ nə́ á mbô pəənə́, ə́ tû ə́fɛ̂ nchîmbî əjǐ á mə́ tsóʼ nə́ atûə pɨ pi nɨ́ nə́ ə́wə́.”

Yeso a tə́g əmə́g nə́ pó ńtíʼ ə́sóŋ ńgə́, “Á tyantə̂ á mbô ŋwunə, ḿbə́ ńkě á mbô Əsê tyantə̂ pô. Mbɔʼ Əsê a faʼ mənu mətsəmə.”

Yeso a sóŋ nə́ yí ńgə́, “Ghɛnə̂, mbimə́ əzo ə́ ghɛd gho yáŋə.” Tsɔʼə əghâ yi wɨ́ ŋwu wə̂ a jɨ́ əliʼ, ńtíʼ ńdzoŋə̂ Yeso á alaŋə́ ndúmə.

Lə́ələ́ pə́ ńgə́ ajú páʼ Əsê a tsɛntə̂ nə́ aliʼə́ mɔʼə́, kɔ ŋwunə a ghabnə̂.”

Yeso a náŋə yí ńkɔŋə̂ yí ńtíʼ sóŋ nə́ yí ńgə́, “Gho pɛ́d ḿbóŋə táʼə anuə. Ghɛn ə́finə̂ ajúmə atsəm páʼ gho túg nə́ ə́fɛ̂ nkáb yi wɨ́ nə́ pəpóŋ ńjî ńgə́ afoʼə azô á chîə á nəpóolə, ńtíʼ ńgyǐ ńdzoŋə̂ mə.”

Yeso a pítə yí ńgə́, “Gho loonə̂ lə́ ńgə́ maŋ ghɛd ə́lɛ́ nə́ gho?” Əfəg wə̂ a kwěe ńgə́, “Ndzéʼkə, maŋ loonə̂ lə́ á mə́ jɨ́ nə́ əliʼə́.”

Lɛ̌ pə́ ńkě ndzaŋə á chî nə́ á mə́ chî nə́ á tətɨ pɨ pô. Ŋwu ntsəm páʼə ä lɔ nə́ á mə́ pə́ nə́ tə́kɔʼ ŋwunə á mə́m pəənə́ a shib ḿbə́ ngaŋəfaʼə əwəənə́

Mäŋ fiʼtə̂ áwɨ́ nə́ ndə̌ŋdəŋ ńgə́ ŋwu ntsəm páʼə a kě nə́ Anuə Nəfoonə Əsê ándó mɔ́ lɔg pô a yǒ kě ə́wɨ́ kwú pô.”

Lə́ pɨ pi nɨ́ nə́ páʼ pó pə́ nə́ mbi əghâ nə́ pó yǒ tíʼ pə́ ndzəmə, pɨ pi nɨ́ nə́ páʼ pó pə́ nə́ ndzəm əghâ nə́ pó yǒ tíʼ pə́ mbiə.”

Lə́, á nə ḿbə́ á nəfɛdnə́, nə́ ndɛd páʼ Əsê a kə tsoŋkə̂ nə́ mbî, ‘Əsê a tsoŋkə̂ ághóobə́, ŋwu mbyâŋnə pó məngyě.’ Ńdaŋ ə́lɨ́d ŋwu mbyâŋnə a yǒ mɛdtə̂ tǎ əyǐ pó mǎ əyǐ ə́ tíʼ tsɛntə̂ pó ngwě əyǐ, pó pə́ pɛ̌ ə́ tíʼ táʼ na mbəəmə. Lə́ələ́ pə́ ńgə́ pó kě pɛ́d ḿbə́ lə́ pɨ pə́ pɛ̌ pô. Pó tíʼ ḿbə́ lə́ táʼə.