Popular Bible Verses from Magə 12

Share

Yeso a kwěe yí ńgə́, “Chigə yi ngweŋə́ á mə́m wɨ́ lə́ ńgə́, ‘Jwə́ʼtə nə́, pɔ́ pə́ Islɛl, Mmaʼmbî páʼə a pə́ nə́ Əsê əzɛn lə́ ndaʼ yí təjiʼə. Kɔŋə̂ Mmaʼmbî páʼə a pə́ nə́ Əsê əzo nə́ ntɨ́ əghô ətsəmə, nə́ ajwiə azô atsəmə, nə́ akwaŋə anuə azô atsəm ḿbɨ́ ḿbə́ nə́ mətɨ mô mətsəmə.’ Yi páʼ á zoŋkə̂ nə́ lə́ ńgə́, ‘Kɔŋə̂ ngaŋnəpad əgho ándó mbɨ əzo.’ Ntəgə́ yitsə̌ ə́ kě ə́wɨ́ pɨ ńchî páʼ ə́ tsɛ nə́ mɨ́d mɨ mə́ mbɛ̌ pô.”

A tíʼ ə́fóŋ ngaŋə́zoŋə́ndzəm əjí ə́sóŋ nə́ pó ńgə́, “Mäŋ fiʼtə̂ áwɨ́ nə́ ndə̌ŋdəŋ ńgə́ nkog məngyě nə́ páʼə a pə́ nə́ mbóŋ lə́, a maʼə̂ akáŋə́sê ńtsɛɛlə̂ ŋwu ntsəmə. Ŋwu ntsəmə ä ŋɔʼtə̂ lə́ á mɔ́ ajúmə á mə́mə afoʼə ají ə́fɛ̂, lə́ nkog məngyě nə́ a pǎtə ḿbə́ mbóŋ lə́, ḿbə́ ńkɔdtə̂ lə́ əpa əpí ə́fɛ̂ tə ajûtsə́ á kě pɨ ḿbɛ́d təmbɔʼ a pɨ ńjî pô.”

Ndzaŋə ándó Yeso a nə náanə nə́ ḿbáatə aliʼə́ maʼə̂ akáŋə́sê lə́, ńnáŋ ndzaŋ pɨ pə́ maʼ nə́ nkáb əzoobə́. Ngǎŋnkáb yi nɨ́ nə́ ə́ maʼ pətə́kɔʼ pə́ nkéebə. Lə́ nkog məngyě yitsə̌ páʼə a nə ḿbə́ nə́ mbóŋ á pə́ ńgyǐəə ají ńnéŋ pɔ́ pə́ nkáb pə́ atəənə́ pətsə́ pɛ́n pə́ pɛ̌ páʼ pə́ nə ńkoʼ nə́ tsɔʼə ándó ndɔ́la pɛ̌.

Mə kɔŋ nə́ yí nə́ ntɨ́ əghô ətsəm, ḿbɨ ḿbə́ nə́ akwaŋə anuə azô atsəm, nə́ mətɨ mô mətsəm, ḿbɨ́ ḿbə́ nə́ mə kɔŋ nə́ ngaŋnəpad əgho ándó mbɨ əzo mə́ pɔŋ ńtsɛ na páʼ gho tɔ nə́ ńgóʼkə Əsê ə́wɨ́ kəənə ajúmə atsəm páʼ ghö lɔg nə́ ə́fyaʼə́nu ə́wə́.”

Yeso a tíʼ ə́sóŋə á mbô pó ńgə́, “Fɛ̂ nə́ ajúmə Kasa á mbô Kasa ə́fɛ̂ yə Əsê á mbô Əsê.” Pó náŋə Yeso a tíʼ ńkɨʼnə̂ ághóobə́.