Popular Bible Verses from Luka 4

Share

<<Kore Ltau Sinyati la Laitoriani, naa ketii tenebo o nanu, amu kaategelua Laitoriani paaliki laisinak Lomon Supati. Kaaterewa matiliki looena lakunoto enche, naliki lmodook metodolicho, nalaku mechomo lolo ooironyitae, nalikoo lari oitodolu Laitoriani omom enye.>>

Newoliki ꞉Yeso ajoki, <<Keigeroki aajo, <Tasayia Laitoriani Nkai ino apeny, naa ninye apeny siaayia.> >>

Newoliki ꞉Yeso ajoki, <<Keigeroki aajo, kore ltung'ani naa mara mukate apeny eichiwue.>>

Nerrinyunyie Yeso eing'uaa sere e Yordan ebore Ltau Sinyati. Nerik ꞉Ltau Sinyati lkees

Newoliki ꞉Yeso ajoki, <<Ketejoki, <Mitem Laitoriani Nkai ino.> >>

Kore payie eidip Chitani atetema tee ntemat pooki, nelo aing'uaa ana metabau nkata nairirikino.

Nerik ꞉Chitani nkeper e ng'oji neodo, neitodol nkitoria pooki e nkop te nkini kata. Nejoki ꞉Chitani, <<Kaaicho iyie ana kitoo o murdaicho enye pooki, amu nanu eichooki naa kaicho pooki ng'ae layieu. Tanaa naa ikigilaki kung asai nanu, neaku kuna pooki ninono.>> Newoliki ꞉Yeso ajoki, <<Keigeroki aajo, <Tasayia Laitoriani Nkai ino apeny, naa ninye apeny siaayia.> >>

Nerik ꞉Chitani ninye Yerusalem, neitacheyie to ng'oji neodo aisul pooki ta nkaji e Nkai nejoki, <<Kore tanaa ira iyie Nkerai e Nkai, tusulai koon amu keigeroki aajo, <Ikirewaki ꞉Nkai lmalaikani lenyena, mikitirripo> naa <Iking'amaa taa nkaik enche, payie mikinkub hooyia soit ndap ino.> >> Newoliki ꞉Yeso ajoki, <<Ketejoki, <Mitem Laitoriani Nkai ino.> >>