Popular Bible Verses from Luka 14

Share

<<Kore tenelotu ltung'ani natii, namaacham nanu aitalang papa lenye o ng'otonye o nkitok enye o nkera enyena o lalachera o nkanachera enyena anaa nkichon enye, naa meaku loiteng'eni lai.

Kore ilo pooki lemenap lmusalaba lenye, naairukurukore nanu, naa meidim ataa loiteng'eni lai.

Amu kore pooki ng'ae oiliepie koon naa keitodouni, naa kore loitodoyio koon naa keiliepieki.>>

Naaku kore pooki ng'ae taa ntae lemeing'uaa pooki naata, naa meaku loiteng'eni lai.

Amu ng'ae naa taa ntae, aa teneyieu nechet ltalet, lemewuon ang'as aikenicho, aing'uraa ntoki pooki naaidipie? Payie meaku naa, kore etuuno nkitamanyunoto, nelakino aidipa, nedol ltung'ana pooki neng'asu aarojare aajo, <Etang'asua ele tung'ani acheticho kake ketalakine aidipa.>

Kake tininya iyie sukukuu, ntoomono loomena o lng'ojinia o lootigiligilete o lmodook, naaku ikimayiani iyie tankaraki mikindim ninche aatalak. Amu ikilaakini iyie ta nkata naitipiuni loosipat.>>

<<Keisupat makaat, kake teneichunyie mpijan, nyo epiki payie epiju? Meisupat hoo abaki to nkop tanaa to ltulugumi. Kenang'ari aulo. <<Kore loata nkiyiaa naaning'ichere, nchoo metining'o!>>