Popular Bible Verses from Yoana 15

Share

<<Nanu lmusabibu nirara ntae lng'asul. Kore pooki ng'ae owuon taatua nanu, nawuon nanu taatua ninye, netum ninye lng'anayio kumo. Kore tanaa mitii tenebo o nanu, naa meitoki indimdim aataas.

Entewueni taatua nanu, nawuon sii nanu taatua ntae. Kore ana nemeidim lng'asula atumo lng'anayio ewuon apeny, naa mindimdim sii ntae aatum lng'anayio tinimikitii atua nanu.

Kore tiniwuenini taatua nanu newuon rerei lai taatua ntae, naaku kore ntoki pooki niyieuu, entoomonu neichori ntae.

Mara ntae likitegelutua nanu kake nanu otegelua ntae, naitoki aicho ntae nkitoo nipoyieyie aaiunyie lng'anayio. Kore lng'anayio liiu naa lng'anayio oobikoo, payie eicho ntae Papa ntoki pooki niomonunu ta nkarna ai.

Meatae nchaman nalang no ltung'ani oitai nkichui enye, tankaraki sotuatin lenyena.

Kore lng'asula pooki lai lemejing ꞉lng'anayio, nedung'oo aiturraa. Naa kore lng'asula ojing lng'anayio, neng'ur aitibir payie etum lng'anayio kumo aatijing.

Ana nkitanapata ai, nchere entachamata ana natachama nanu ntae.

Kore tinitumtum lng'anayio kumo niakuku looiteng'eni lainien, netum Papa lai nkisisa.

<<Kara nanu lmusabibu odede, naa Papa oitacheki ilo champa lo lmusabibu.

Kore pooki ng'ae lemewuon taatua nanu, netuwuana lng'asula onang'ari metoyio. Kore lng'asul ootuwuana lolo naa keiturruri nenang'akini nkima, nepejori.

<<Katilika nanu ntae ana payie ewuon ng'ida ai taatua ntae, neboreii inia ng'ida niatata.

Tanaa imbung'bung nkitanapat ainien, niwuenini taatua nchaman ai, ana payie aaibung'a nanu nkitanapat e Papa, nawuenita taatua nchaman enye.

Kore nkitanapata ai taa ntae naa ana: entachamata.

Tanaa le nkop irara, anata echam ntae, eji atuwuana lenyena irara. Kake mirara lenyena amu kategelua ntae tana kop. Inia dei payie eiba ntae nkop.