Popular Bible Verses from Rooma 2

Share

Kiita pa loomoyyay giimi oko gaarco kotti maa gu leewa. Gaa kiita pa lewɗiy gaarco kotti maa ki loomoyɗiy. Gaa ma keeke, oko mooyicum, ki pakaa aɗɗe min parlanti Mellayi? Mella pa gata gidaani ta kaw, o ga gederra ucaw ta gaaro, o gi saburti maani. A gaa kiita pa lewɗikiko liyaw gonek ka gaari kooko. Ki lekka ɗa aɗe kabarre kadar gi daanati Mellayi teete asawkum ki meeliɗiy gaarcam ku miɗɗa e?

A gata pa, kii ma loomoyyay giccam, caŋ ki dee wee, ki gederra ɗa ki cimmicca kayaacum, asan ga kiita saa kulla leeway gaarco kotti. Ma liyawcum keeke pa, ga ay kiita saa pe ma onokka sippu ur̰uucum.

A gata soopa, aparra ɗa giimi.

A gata pa, ay giimi ɗa ma geeway ka hukumnigeetee Muusa ma deewa ɗayaŋ unti Mellayi, innasoo gu giimi ma jobokkay hukumnigee kotti, ay guta maa ga Mella garay ɗayaŋ unti.

o ga Mella akkeega bira oko kulla kaƴi aɗe kanti ka gaartee maa ga leelo.

A giimi soopa ma aŋkiya ɗa ka Mellayi, guu aŋkiɗo kanco ka, o gu jobokkaa ɗa botol ka seeniti, guu joboɗɗo pe ma ɗayaŋ ɗa ka, ga Mella akkiyooga zilla bogorti o boŋsiti.

Kii nowoɗɗe ma kaya ta talta o gaarcam ku miɗɗa ma aaye galbancum ki aŋka ɗa meelico. Ay ɗakko appe ki eterɗo bogor suura kayaacum oko meene maa ga Mella asiyya gaara bogorti purta. Oko meene taata gi parlane ta ɗayaŋ tee ta Mellayi deewa gaarenta oko giimo