Popular Bible Verses from Maariko 8

Share

Ku bhuyö, ömöntö ono akutuna aitööri öbhöhöru ubhwaye umwene, uyö nkwimara arë-ho umwene amakora ghonswe igho. Obhoheene ni-igha, ono akuruusya öbhöhöru ubhwaye ko okoghera iya öni, na ko okoghera iya Amangʼana Amaiya, uyö we araaitööri.

N-hoorohooro kë ömöntö araanyoore, hano akaanyoora ëbhëntö bhyonswe igho ibhya ko-kebhara kono, kasi asiri öbhöhöru ubhwaye ubhwa amakora ghonswe igho?

Akabherekera rikomo irya abhantö hamwë na abheegha abhaaye, akabhatëëbhya igha, “Ömöntö wowonswe ono akutuna igha ansoorane, ni-igha aikaane umwene, aiteeke omosarabha ughwaye, ansoorane.

Bhoono n-kë ömöntö akaaruusya, okore anyoore öbhöhöru ubhwa amakora ghonswe igho? Ömöntö ono akoommaahera sënsöni öni na amangʼana aghaane, ko-nkaagha eno iya abhantö bhano bhakokora ëbhëbhë, uyö we öni Omoona uwa Ömöntö ndemaahera sënsöni ku-bhuhika ubhwa Taata, hano ndiisha ukurwa mu-ryobha, hamwë na abhamaraika abhahörëëru.”

Akabhabhöörya igha, “Bhoono bhëënyu bho, iyakë mokoghamba?” Peetero akamohonshora igha, “Uwe nu-uwe Kiristo.”